ஜப்பானில் பூகம்பம்: கட்டிடங்கள் குலுங்கின

ஜப்பான் நாட்டின் கிழக்குப் பகுதியில் இன்று அந்நாட்டு நேரப்படி காலை 10.03 மணி அளவில் 5.4 ரிக்டர் அளவிலான நில அதிர்வுகள் தோன்றின. தலைநகர் டோக்கியோவிலிருந்து 160 கி.மீ வடகிழக்கேயும், செயல்படாது இருக்கும் புகுஷிமா அணுஉலையிலிருந்து 80 கி.மீ தென்மேற்கேயும் உள்ள இபராகி எல்லையில் இந்த பூகம்பம் ஏற்பட்டதாக வானிலை ஆய்வு மையம் தெரிவித்துள்ளது.

10 கி.மீ ஆழம் வரை உணரப்பட்ட இந்த நிலநடுக்கத்தினைத் தொடர்ந்து எட்டு நிமிடங்கள் கழித்து 3.6 ரிக்டர் அளவிலான அதிர்வு ஒன்றும் அதே பகுதியில் ஏற்பட்டதாகத் தெரிவிக்கப்பட்டுள்ளது.  முதலில் தோன்றிய நிலநடுக்கத்தின் தாக்கத்தில் தலைநகர் டோக்கியோவில் உள்ள உயரமான கட்டிடங்கள் குலுங்கின.

ஆனால் உயிர்ச்சேதம் எதுவும் ஏற்படவில்லை என்று புவியியல் ஆய்வாளர்கள் தெரிவித்துள்ளனர். அதேபோல் புகுஷிமா அணுஉலையிலும் எந்த பாதிப்பும் ஏற்படவில்லை என்று தெரிவிக்கப்பட்டுள்ளது. கடந்த 2011 ஆம் ஆண்டு சுனாமிப் பேரலைகளாலும், பூகம்பத்தாலும் மிகவும் பாதிக்கப்பட்ட இந்த அணுஉலை செயல்படாத நிலையை எட்டியுள்ளது.

இருப்பினும் இதன் உலைக்கூடங்களில் இருந்து தொடர்ந்து வெளியேறும் கதிரியக்கம் அவற்றைக் குளிர்விக்க சேமிக்கப்பட்டுள்ள நீர்த் தொட்டிகளில் கலந்து வெளியேறுகின்றது. இதனைத் தடுக்கும் முயற்சியில் விடுமுறைக் காலத்திலும் விஞ்ஞானிகள் அயராது பணி புரிந்து வருகின்றனர்.

மேற்கொண்டு ஏற்படும் பூகம்பத் தாக்குதல்கள் நிலைமையை மேலும் மோசமாக்கக்கூடும் என்ற அச்சம் உள்ளதால் இங்குள்ள நிலைமை தீவிரமாகக் கண்காணிக்கப்பட்டு வருகின்றது. இன்றைய பூகம்பத்தினால் புகுஷிமா அணு ஆலைக்கு எந்த பாதிப்பும் இல்லை என்று டோக்கியோ மின்சார நிறுவனம் தெரிவித்துள்ளது..

தமிழக மீனவர்கள் மீண்டும் சிறை பிடிப்பு: கருணாநிதி கண்டனம்

தி.மு.க. தலைவர் கருணாநிதி வெளியிட்டுள்ள அறிக்கையில் கூறி இருப்பதாவது:–
தமிழக மீனவர் பிரதிநிதிகளை பிரதமரிடமும், வெளியுறவுத்துறை அமைச்சரிடமும் நாடாளுமன்ற கழகக் குழுத் தலைவர் டி.ஆர்.பாலு அழைத்துச் சென்று மீனவர்கள் தங்களின் குறைகளை அவர்களிடம் நேரில் எடுத்துச் சொல்லி, பிரதமரும் ஜனவரி மாதம் 20–ந்தேதி வாக்கில் இலங்கை மீனவர் பிரதிநிதிகளையும், தமிழக மீனவர் பிரதிநிதிகளையும் சென்னையிலே பேச்சுவார்த்தை நடத்துவதற்கு ஏற்பாடு செய்வதாக உறுதி அளித்த பின்னரும், புதுக்கோட்டை மீனவர்கள் 22 பேர் இலங்கைக் கடற்படையினரால் கைது செய்யப்பட்டிருக்கிறார்கள்.

மீனவர்கள் பிடித்து வைத்திருந்த மீன்கள் மற்றும் வலைகள், டீசல் ஆகியவற்றையும் பறித்துச் சென்றிருக்கிறார்கள். சிறை பிடிக்கப்பட்ட 22 மீனவர்களும், இலங்கை காங்கேசன் துறைமுகத்தில் உள்ள கடற்படை முகாமுக்குக் கொண்டு செல்லப்பட்டு, பின்னர் ஊர்க்காவல் நீதிமன்றத்தில் ஆஜர்படுத்தப்பட்ட, ஜனவரி 10–ந்தேதி வரை அவர்களை காவலில் வைக்க நீதிபதி உத்தரவிட்டிருக்கிறார்.

அண்மைக் காலத்தில் மட்டும் இதுவரை 227 மீனவர்களை இலங்கைக் கடற்படை கைது செய்து கடந்த மூன்று மாதங்களாக சிறையிலே வைத்துள்ளது. அவர்களுடைய 77 படகுகளும் பறிமுதல் செய்யப்பட்டுள்ளன.
இலங்கைச் சிறையிலே உள்ள தமிழக மீனவர்களை உடனடியாக விடுவிக்கக் கோரி, நாகையில் இந்த மாதம் 12–ந்தேதி முதல், அக்கரைப்பேட்டையைச் சேர்ந்த விசைப்படகு, மற்றும் பைபர் படகு மீனவர்கள் சுமார் 7 ஆயிரம் பேர் வேலை நிறுத்தத்தில் ஈடுபட்டு வருகிறார்கள்.

மேலும் நாகையில், 8 மீனவர் கிராமங்களைச் சேர்ந்த 30 ஆயிரம் பேர் கடந்த 16–ந்தேதி முதல், கடலுக்குச் செல்லாமல் வேலை நிறுத்தத்தில் ஈடுபட்டுள்ளார்கள். மீனவர்கள் கைது செய்யப்பட்டதை கண்டித்து கடந்த 21–ந்தேதி முதல் நாகை வட்ட மீனவர்கள் சாகும்வரை உண்ணாவிரதப் போராட்டத் தொடங்கினார்கள்.அவர்கள் நான்கு நாட்களாக உண்ணாவிரதத்தைத் தொடர்ந்த நிலையில், நான் கழக நாடாளுமன்றக் குழுத் தலைவர் டி.ஆர்.பாலுவை உடனடியாக நாகைக்கு அனுப்பி, அவர்களிடம் பேச்சுவார்த்தை நடத்தச் செய்து, அவர்களின் உண்ணாவிரதத்தை நிறுத்திக் கொள்ளச்செய்தேன்.

அங்கே உண்ணாவிரதம் இருந்த மீனவர்களின் பிரதிநிதிகள் 11 பேரை டி.ஆர்.பாலு, அந்தத் தொகுதியின் கழக நாடாளுமன்ற உறுப்பினர் ஏ.கே.எஸ்.விஜயன் ஆகியோர் தலைமையில் பிரதமரையும், வெளியுறவுத் துறை அமைச்சரையும் சந்திக்கச் செய்தேன். அவர்களும் சந்தித்து மனு அளித்து தாங்கள் அனுபவித்து வரும் துயரங்களை விளக்கியுள்ளனர்.
பிரதமரும், வெளியுறவுத்துறை அமைச்சரிடம் பேசி இந்தப் பிரச்சினைக்கு விரைவில் தீர்வு காணுவதாக உறுதியளித்துள்ள நிலையில், புதுக்கோட்டை மாவட்டத்தைச் சேர்ந்த 22 மீனவர்கள் சிங்களக் கடற்படையினரால் சிறை பிடிக்கப்பட்டுள்ள செய்தி வந்திருப்பது மிகவும் கொடுமையானது.
இது மீனவர்களின் பிரச்சினை என்றால், இலங்கையில் உள்ள கிளிநொச்சி பகுதியில் படம் பிடித்துக் கொண்டிருந்த தமிழகத்தைச் சேர்ந்த பத்திரிகையாளர், தமிழ் பிரபாகரன் என்பவரையும் சிங்கள அரசு கைது செய்தது.

அந்தச் செய்தி ஏடுகளில் வெளிவந்ததும், நானும் வேறு சில அரசியல் கட்சிகளின் தலைவர்களும் கண்டனம் தெரிவித்தவுடன், அந்தப் பத்திரிகையாளர் தமிழ் பிரபாகரன், இலங்கையிலிருந்து இந்தியாவிற்கு நாடு கடத்தப்பட்டார்.

சென்னை திரும்பிய அவர் செய்தியாளர்களிடம் கூறும்போது, ‘‘தான் வட கிழக்கு மாகாணங்களுக்குச் சென்று சுற்றிப்பார்த்ததாகவும், அத்து மீறிச் செயல்படவில்லை என்றும், புகைப்படங்களை எடுத்துக் கொண்டிருந்தபோது இலங்கை ராணுவ வீரர்களால் துப்பாக்கி முனையில் வளைக்கப்பட்டதாகவும், இந்தியாவைச் சேர்ந்த பத்திரிகையாளன் என்று சொன்னதாகவும், உடனே அவர்கள் கை விலங்கிட்டு கைது செய்து சிறையில் அடைத்ததாகவும், அங்கே இந்தியர் என்றாலே மரியாதை கிடையாது என்றும் தெரிவித்திருக்கிறார்.
இலங்கையிலே இந்தியர் என்றால் எந்த அளவிற்கு மரியாதை கிடைக்கிறது என்பதை பத்திரிகையாளரின் இந்தப் பேட்டியிலிருந்தே இந்திய அரசு புரிந்து கொள்ளலாம். இதையும் தொடர்ந்து நேற்றையதினம் தமிழ் நாட்டைச் சேர்ந்த கணவன், மனைவி ஆகிய இருவரை சிங்கள போலீசார் கைது செய்திருக்கிறார்கள். அவர்கள் இருவரும் சுற்றுலா விசாவில், புடவை வியாபாரம் செய்வதற்காக அங்கே சென்றிருக்கிறார்கள். அவர்கள் மட்டக்களிப்பு பகுதியில் கைது செய்யப்பட்டதாகச் செய்தி வந்துள்ளது.
இதையெல்லாம் மத்திய அரசு உடனடியாக ஆழ்ந்த கவனத்திலே எடுத்துக் கொண்டு முறைப்படி இலங்கை அரசுக்குக் கடும் எச்சரிக்கை செய்து எதிர்வினையில் ஈடுபட்டாலொழிய பிரச்சினைகள் தீரப்போவதில்லை. தமிழகத்தின் சார்பாக மத்திய அரசு தொடர்ந்து கடிதங்களின் மூலம் வேண்டுகோள் விடுத்தும், கண் துடைப்பு காரியங்கள்தான் நடைபெறுகின்றனவே தவிர, ஆக்கப்பூர்வமாக மீனவர் பிரச்சினைகள் தீர்க்கப்படுவதற்கான தீவிர நேரடி நடவடிக்கை எதுவும் எடுக்கப்படுவதாகத் தெரியவில்லை என்பது தான் நமக்குத் தீராத வேதனையாக உள்ளது.
இவ்வாறு கருணாநிதி கூறியுள்ளார்.

அமெரிக்க விசா கேட்டு மோடி விண்ணப்பிக்க கூடாது: அருண் ஜெட்லி கருத்து

குஜராத் மாநிலத்தில் கடந்த 2002ம் ஆண்டு நடந்த கலவரத்தின் போது, காங்கிரஸ் முன்னாள் எம்.பி.எசான் ஜாப்ரி உட்பட 68 பேர் எரித்துக் கொல்லப்பட்டனர். இந்த சம்பவம் தொடர்பாக குஜராத் முதல் மந்திரி நரேந்திர மோடி உள்ளிட்ட 58 பேர் மீது வழக்கு தொடரப்பட்டது.

இந்த வழக்கை விசாரித்த சிறப்பு விசாரணைக்குழு, போதிய ஆதாரம் இல்லாததால், அனைவரும் குற்றமற்றவர்கள் என்று கூறி வழக்கில் இருந்து விடுவித்தது.

இதனை எதிர்த்து எசான் ஜாப்ரியின் மனைவி ஜாகியா ஜாப்ரி அகமதாபாத் கோர்ட்டில் மனுத் தாக்கல் செய்தார். அதில் மோடி மீது குற்றம் சாட்டியிருந்த அவர், மீண்டும் விசாரணை நடத்தி தண்டனை வழங்க வேண்டும் என்று கூறியிருந்தார். இந்த வழக்கின் விசாரணை முடிவடைந்த நிலையில், நேற்று தீர்ப்பு வழங்கப்பட்டது. அப்போது, நரேந்திர மோடி குற்றமற்றவர் என்பதை மீண்டும் நிரூபிக்கும் வகையில், ஜாகியா ஜாப்ரியின் மனுவை நீதிபதி தள்ளுபடி செய்தார். இதனால், நரேந்திர மோடிக்கு இருந்த நெருக்கடி நீங்கியது.

இந்த குற்றச்சாட்டின் பேரிலேயே அமெரிக்க அரசாங்கம், மோடிக்கு விசா வழங்க மறுத்து வந்தது. இப்போது மோடி விடுவிக்கப்பட்ட தகவல் வெளியானவுடன், அவர் அமெரிக்கா செல்லும் வாய்ப்பு அதிகரித்துள்ளதாக கூறப்படுகிறது.

இது குறித்து இன்று கருத்து தெரிவித்துள்ள பா.ஜனதா கட்சியின் மூத்த தலைவர் அருண் ஜெட்லி, மோடி அமெரிக்க விசா கேட்டு விண்ணப்பிப்பதில் தனக்கு தனிப்பட்ட முறையில் உடன்பாடில்லை என கூறினார்.

அவர் மேலும் கூறுகையில், “முழுக்க முழுக்க இந்தியாவின் உள்விவகாரத்தில் அமெரிக்கா மூக்கை நுழைக்க முயற்சித்தது தவறு என்றும், ஆதாரமற்ற குற்றச்சாட்டுக்காக தொடர்ந்து விசாரணை மேல் விசாரணை நடத்தப்பட்டது தவறு என்றும், அந்த விசாரணையைக் கருத்தில் கொண்டு மோடி குற்றமுள்ளவர் என அமெரிக்கா தீர்மானித்தது தவறு” என்றார்.

இன்று 9–ம் ஆண்டு நினைவு நாள்: கடற்கரை கிராமங்களில் சுனாமி சோக சுவடுகள்

9 ஆண்டுகளுக்கு முன்னர் (2004– டிசம்பர் 26) இதே நாளில் ஆழ்கடலில் இருந்து எழும்பிய அலை அரக்கன் உலகம் முழுவதும் லட்சக்கணக்கான மனித உயிர்களை ருசி பார்த்தான். 2 லட்சத்து 30 ஆயிரம் பேர் பலியானார்கள்.
அமைதியே உருவான கடல் அன்னையின் இன்னொரு கோர முகத்தை அப்போது தான் உலகம் கண்டது. சென்னையில் இருந்து குமரி வரை கடலோர கிராமங்களில் கோரத்தாண்டவம் ஆடிய சுனாமி பேரலைகள் ஆயிரக் கணக்கானோரை கடலுக்குள் அடித்துச்சென்றது. இவர்களில் யாரும் உயிர் தப்பவில்லை. அன்றைய தினம் கடற்கரை கிராமங்கள் முழுவதும் மரண ஓலம் ஒலித்தது. தமிழகமே கண்ணீர் கடலில் மூழ்கியது.

நாகப்பட்டினம், கடலூர், வேளாங்கண்ணி, கன்னியாகுமரி என அனைத்து மீனவ கிராமங்களிலும் கொத்து கொத்தாக பிணங்கள் கரை ஒதுங்கின.
முதலில் சத்தமில்லாமல் வந்து விட்டு கடலுக்குள் சென்ற சுனாமி அலையை வேடிக்கை பார்க்க கடற்கரைக்கு ஓடிய சின்னஞ்சிறுசுகளின் சப்த நாடியும் சிறிது நேரத்திலேயே அடங்கிப்போனது.இப்படி ஈவு இரக்கமின்றி வயது வித்தியாசமில்லாமல் அத்தனை பேரின் மூச்சுக் காற்றையும் ஒரே நொடியில் நிறுத்தி நிசப்தமாகி விட்டாள், கடல் அன்னை.

தமிழகத்தில் சுனாமி தாக்குதலில் அதிகமான உயிரிழப்புகளை சந்தித்தது நாகை மாவட்டம்தான். அங்கு 6 ஆயிரத்து 65 பேர் உயிரிழந்தனர். குமரி மாவட்டத்தில் ஆயிரம் பேரை சுனாமி காவு வாங்கியது. சென்னையில் 300க்கும் அதிகமானவர்கள் உயிரிழந்தனர்.9 ஆண்டுகளாகி விட்ட நிலையிலும் சுனாமியின் சோக சுவடுகள் கடற்கரை கிராமங்களில் இன்னும மாறாத வடுவாகவே உள்ளது. இதனை உணர்த்தும் வகையில் இன்று தமிழக கடலோரங்களில் 9–ம் ஆண்டு சுனாமி நினைவு தினம் கடைபிடிக்கப்பட்டது.
காசி மேட்டில் பாலகங்கா எம்.பி., முன்னாள் சபாநாயகர் ஜெயக்குமார் எம்.எல்.ஏ., தி.மு.க. அவைத்தலைவர் மதுசூதனன் ஆகியோர் அஞ்சலி செலுத்தினர்.

தி.மு.க. சார்பில் டி.கே. எஸ். இளங்கோவன் எம்.பி., அஞ்சலி செலுத்தினார்.
மெரினா கடற்கரையில் தமிழக மீனவர் பேரவை சார்பில் அதன் தலைவர் அன்பழகன், நடிகர் கே.ராஜன் ஆகியோர் தலைமையில் ஒரே சீருடையில் திரண்ட ஆயிரக்கணக்கான பெண்கள் கடலில் பால் ஊற்றியும், மெழுகுவர்த்தி ஏற்றியும் அஞ்சலி செலுத்தினர்.அப்பகுதியை சேர்ந்த மீனவ இளைஞர்கள் மணல் சிற்பத்தையும் அமைத்திருந்தனர். இதில் சிறுவர்கள் மெழுகு வர்த்தி ஏற்றி அஞ்சலி செலுத்தினர்.

மனித உரிமை பாதுகாப்பு கழகம் மற்றும், மகளிர் பாதுகாப்பு நல சங்கம் ஆகியவை சார்பிலும் ஊர்வலங்கள் நடத்தப்பட்டன. மெரீனா கடற்கரையில் மட்டும் இன்று 5 இடங்களில் அஞ்சலி செலுத்தப்பட்டது. பெசன்ட் நகர், எண்ணூரிலும், ஊர்வலங்கள் நடத்தப்பட்டன.கன்னியாகுமரியில் உள்ள சுனாமி நினைவு ஸ்தூபியில் அமைச்சர் பச்சைமாலும், நாகை கலெக்டர் அலுவலகத்தில் உள்ள நினைவு பூங்காவில் அமைச்சர் ஜெயபாலும் அஞ்சலி செலுத்தினர்.

வேளாங்கண்ணியில் உள்ள நினைவு ஸ்தூபியில் பொது மக்கள் மலர் தூவினர். 400–க்கும் மேற்பட்டவர்கள் உயிரிழந்த கடலூரில் அ.தி.மு.க. விடுதலை சிறுத்தைகள் கட்சிகளின் சார்பில் மலர் அஞ்சலி செலுத்தப்பட்டது.
இப்படி இன்று ... தமிழக கடலோர கிராமங்கள் முழுவதிலும் வடிந்தோடிய கண்ணீர் கடல்நீரை மேலும் உப்பாக்கியிருக்கிறது, என்றால் அது மிகையாகாது. மெரினாவில் நடைபெற்ற கண்ணீர் அஞ்சலி ஊர்வல பேனரில் இடம் பெற்றிருந்த வார்த்தைகள் இவை"அலை தாயே ... அலை தாயே ... இனி ஒரு முறை எங்களை அழ வைக்காதே"இது போன்ற வேண்டுதல்கள் பலிக்கவும், சுனாமி போன்று இன்னொரு இயற்கை பேரிடர் ஏற்படாமல் இருக்கவும் எல்லோரும் வேண்டிக்கொள்வோம்.

ரெயிலில் முன்பதிவு செய்த டிக்கெட்டை மற்றொருவர் பெயரில் மாற்றி பயணிக்கும் வசதி: தென்னக ரெயில்வே

ரெயிலில் முன்பதிவு செய்து ஒருவர் பெயரில் எடுக்கப்படும் டிக்கெட்டை மற்றொருவர் பெயரில் மாற்றி பயணிக்கும் வசதியை தென்னக ரெயில்வே அறிமுகம் செய்துள்ளது.

தென்னக ரெயில்வே நடைமுறைப்படுத்தியுள்ள இந்த புதிய திட்டத்தின் மூலம் ஒருவரது பெயரில் முன்பதிவு செய்து எடுக்கப்படும் ரெயில் டிக்கெட்டை அவரது குடும்பத்தில் உள்ள வேறு ஒருவரது பெயரில் மாற்றி பயணிக்கலாம்.இதற்காக குறிப்பிட்ட ரெயில் புறப்படுவதற்கு 24 மணி நேரத்திற்கு முன்பே ரெயில்வே மேலாளரிடம் எழுத்துப்பூர்வமாக எழுதிக்கொடுக்கவேண்டும்.குடும்ப உறுப்பினர்கள் என்பதற்கு ரேசன் கார்டு போன்ற அடையாள சான்றுகளை கொடுக்க வேண்டும்.

                              திருமணம் போன்ற விழாக்களுக்கு குழுவாக செல்பவர்களின் டிக்கெட்டுகளை மாற்றி கொள்ளலாம்.பணி நிமித்தமாக பயணம் மேற்கொள்ளும் அரசு ஊழியர்களும் இந்த வசதியை பயன்படுத்த வழிவகை செய்யப்பட்டுள்ளது. தவிர்க்க முடியாத காரணங்களால் குறிப்பிட்ட அரசு ஊழியர் செல்லமுடியாதபோது வேறொரு ஊழியரின் பெயரில் டிக்கெட்டை மாற்றிக்கொள்ளலாம்.பயணம் செய்ய உள்ள ஊழியர் உயர்அதிகாரி மூலம் இதற்காக விண்ணப்பித்து மாற்றிக்கொள்ளலாம்.

                                  இதேபோல் பள்ளி அல்லது கல்லூரி மாணவரின் பெயரில் எடுக்கப்பட்டுள்ள டிக்கெட்டை அந்த கல்வி நிறுவன முதல்வரின் ஒப்புதலோடு வேறொரு மாணவரின் பெயரில் மாற்றிக்கொள்ள முடியும் என தென்னக ரெயில்வே அறிமுகம் செய்துள்ளது.

முட்டை, மைதா, ஆயில் விலையேற்றம்: கிறிஸ்துமஸ் கேக் கிலோவுக்கு ரூ.200 உயர்வு

கிறிஸ்துமஸ், புத்தாண்டு பண்டிகை கொண்டாட்டத்தின் போது, உறவினர்கள், நண்பர்களுக்கு ‘கேக்’ கொடுப்பது வழக்கம். ஒருவருக்கொருவர் அன்பு பரிமாற்றத்தின் அடையாளமாக ‘கேக்’ இடம் பெறுகிறது. சென்னையில் பல்வேறு வகையான கேக்கு வகைகள் தயாரிக்கப்பட்டு விற்பனைக்கு தயாராக உள்ளன.

இது தவிர அன்பளிப்பாக வழங்கும் வகையில் அட்டை பெட்டிக்குள் அடைத்தும் விற்கப்படுகின்றன. கடந்த ஆண்டை விட இந்த வருடம் கேக் விலை உயர்ந்துள்ளது. கிலோவிற்கு ரூ.100 முதல் ரூ.200 வரை அதிகரித்துள்ளது. கேக்கிற்கு பயன்படுத்தப்படும் முட்டை, மைதா, எண்ணை ஆகியவற்றின் விலை உயர்வே இதற்கு காரணம் என்று கூறப்படுகிறது.
கிலோ ரூ.250, ரூ.300 ஆக இருந்த கேக் வகைகள் இந்த ஆண்டு ரூ.400 முதல் ரூ.650 வரை விற்கிறது.

இது குறித்து புரசைவாக்கத்தில் உள்ள ‘‘ஒயிட் பீல்டு’’ கேக் தயாரிப்பு நிறுவனத்தின் மேலாளர் வி.எம்.மொய்தீன் கூறியதாவது:–
இந்த கடை ஆங்கிலேயர் ஆட்சி காலத்தில் இருந்து செயல்பட்டு வருகிறது. கடந்த 50 வருடமாக சிபத்துல்லா என்பவர் நடத்தி வருகிறார். கேக் விற்பனையில் மக்களின் நன்மதிப்பை பெற்ற பழமையான கடை இது.
இந்த ஆண்டு கேக் விலை சற்று உயர்ந்துள்ளது. மூலப் பொருட்களின் விலை உயர்ந்ததால் தயாரிப்பு செலவு அதிகமாகி உள்ளது. ஆனாலும் எங்கள் கடையில் தரமான கேக் வகைகள் மற்ற கடைகளை விட குறைவாகவே விற்கிறோம்.

வெண்ணிலா கேக் கிலோ ரூ.250, பிஸ்தா, சாக்லேட், பைனாப்பிள், ஸ்ட்ராபெர்ரி மற்றும் நட் வகை கேக்குகள் கிலோ ரூ.300 வால்நட்கேக், பிளம்கேக் மற்றும் டீ கேக் ரூ.300க்கு விற்பனை செய்யப்படுகிறது. தேன் கேக் ஒன்று ரூ.15க்கும், பிளம் கேக் ஒன்று ரூ.15–க்கும் கிடைக்கிறது.
புல்சாக்லேட் கேக் கிலோ ரூ.350 விற்கப்படுகிறது. ஆர்டர்களும் ஏற்றுக் கொள்கிறோம்.இவ்வாறு அவர் கூறினார்.

ஆதர்ஷ் ஊழல் குறித்த விசாரணை அறிக்கையை நிராகரித்தது மகாராஷ்டிர சட்டமன்றம்

மகாராஷ்டி மாநிலத்தில் ஆதர்ஷ் குடியிருப்பு ஒதுக்கீட்டில் பல்வேறு முறைகேடுகள் நடைபெற்றதாகக் குற்றச்சாட்டு எழுந்தது. முதல்வர் அசோக் சவான் மற்றும் காங்கிரஸ் கட்சியின் மூத்த அரசியல் தலைவர்கள் இதில் சம்பந்தப்பட்டிருப்பதாக புகார் எழுந்தது.

இதைத் தொடர்ந்து முதல்வர் பதவியிலிருந்து அசோக் சவான் விலகினார். இதுதொடர்பாக விசாரணை நடத்திய சி.பி.ஐ. தனது குற்றப்பத்திரிகையில், சட்டவிரோதமாக குடியிருப்புகளை ஒதுக்கீடு செய்ததில் அசோக் சவான் மற்றும் 12 பேர் மீது குற்றம் சாட்டியிருந்தது. ஆனால் அந்த நிலம் மத்திய அரசுக்கு சொந்தமானது, பாதுகாப்புத்துறைக்கு சொந்தமல்ல என்று மாநில அரசு விளக்கம் அளித்தது.

இந்நிலையில், ஆதர்ஷ் ஊழல் தொடர்பான விசாரணை அறிக்கை மகாராஷ்டிர சட்டசபையில் இன்று தாக்கல் செய்யப்பட்டது. இதனை அரசு நிராகரித்தது. இதற்கு எதிர்ப்பு தெரிவித்து பா.ஜனதா உறுப்பினர்கள் வெளிநடப்பு செய்தனர். முதல்வர் சவான் உள்ளிட்ட தனது தலைவர்களை பாதுகாக்க ஆளும் காங்கிரஸ் கட்சி முயற்சிப்பதாக பா.ஜனதா உறுப்பினர்கள் குற்றம் சாட்டினர்.

சட்டமன்றத்தில் தாக்க்ல செய்யப்பட்ட அறிக்கையில் சவானுக்கு எதிரான குற்றச்சாட்டுகள் வலுவாக இருந்ததாக கூறப்படுகிறது. முதல்வர் சவானிடம் விசாரணை நடத்த வேண்டும் என்று சமீபத்தில் சி.பி.ஐ. கேட்டபோது, அதற்கு கவர்னர் மறுப்பு தெரிவித்தது குறிப்பிடத்தக்கது.

1947–ம் வருடத்தைப் போல 2014–ம் வருடம்: 67 ஆண்டுகளுக்கு பிறகு ஒரே மாதிரி காலண்டர் அரசியல் மாற்றம் ஏற்படுமா?

புதிய வருடம் பிறக்கிறது என்றாலே அது எப்படி இருக்கும்? என்ற ஆருடமும், ஆர்வமும் அனைவரையும் தொற்றிக் கொள்வது உண்டு.

அந்த வகையில் வரும் 2014–ம் ஆண்டு எப்படி இருக்கும் என்பதை, இப்போதே பலர் கணிக்க தொடங்கி விட்டனர். அதுவும் ஜோதிடத்தில் நம்பிக்கை கொண்டவர்கள் எந்த கனிப்பையும் விடாமல் படித்து பரப்பரப்புக்குள்ளாவார்கள்.அந்த வகையில் பிறக்க இருக்கும் 2014–ம் ஆண்டு காலண்டர் 1947–ம் ஆண்டு காலண்டர் போல் உள்ளது போலும் பரபரப்பை ஏற்படுத்தியுள்ளது. 67 ஆண்டுகளுக்கு பிறகு இப்படி ஒரு அதிசயம் நிகழ்வது ஜோதிடர்களை சுறுசுறுப்பாக்கி உள்ளது.

புதன்கிழமை பிறந்த 1947–ம் ஆண்டை போலவே 2014–ம் ஆண்டும் புதன்கிழமை பிறக்கிறது. அதாவது இந்த இரண்டு ஆண்டுகளிலும் ஜனவரி 1–ந்தேதி புதன் கிழமை வருகிறது. அதே போல் மற்ற தேதிகளும், கிழமைகளும் ஒரே மாதிரி உள்ளது.1947–ம் ஆண்டு காலண்டரை எடுத்து பார்த்தால் அதன் ‘ஜெராக்ஸ்’ போல 2014–ம் ஆண்டு காலண்டர் இருக்கும்.
இந்தியாவுக்கு சுதந்திரம் கிடைத்தது 1947–ம் ஆண்டு என்பது அனைவருக்கும் தெரிந்ததே! அதேபோன்ற மாற்றத்தை 2014–ம் ஆண்டு இந்தியா சந்திக்கும் என்று பலர் கணித்து கூறு கிறார்கள்.

அதற்கு ஏற்றாற்போல 2014–ம் ஆண்டு பாராளுமன்ற தேர்தல் வருகிறது. தேர்தலில் இந்த மாற்றத்தை காணலாம் என்கிறார்கள் அவர்கள்.
மாற்றம் வருவது இருக்கட்டும் முதலில் புத்தாண்டு அமைதியாக பிறக்கிறதா? என பார்ப்போம்.

லோக்பால் மசோதா நிறைவேறியதால் உண்ணாவிரதத்தை முடித்துக்கொண்டார் ஹசாரே

ஊழலுக்கு எதிரான லோக்பால் மசோதா நேற்று 5 மணி நேர விவாதத்திற்கு பிறகு மாநிலங்களவையில் நிறைவேறியது. சமாஜ்வாடி கட்சியைத் தவிர மற்ற கட்சிகள் அனைத்தும் இம்மசோதாவுக்கு ஆதரவு அளித்தன. இதையடுத்து திருத்தப்பட்ட லோக்பால் மசோதா மக்களவையில் இன்று தாக்கல் செய்யப்பட்டது. இன்று மதியம் 12 மணிக்கு பிறகு இதன் மீதான விவாதம் தொடங்கியது. இந்த விவாதத்தில் எதிர்க்கட்சி தலைவர் சுஷ்மா சுவராஜ், காங்கிரஸ், பொதுச் செயலாளர் ராகுல் காந்தி உள்ளிட்ட பலர் பேசினர்.

அதன் பின்னர் நடைபெற்ற குரல் ஓட்டெடுப்பில் மசோதா நிறைவேற்றப்பட்டதாக அறிவிக்கப்பட்டது. மசோதா நிறைவேற்றப்பட்டதாக தகவல் வெளியானவுடன், ராலேகான் சித்தியில் உண்ணாவிரதம் மேற்கொண்டு வந்த அன்னா ஹசாரே மகிழ்ச்சி அடைந்தார். தனது ஆதரவாளர்கள் மத்தியில் பேசியபோது, விரைவில் இது சட்டமாக வெளியிடப்படும் என நம்புவதாகவும், இதில் திருத்தங்கள் மேற்கொண்ட தேர்வுக்குழுவினரை பாராட்டுவதாகவும் அவர் தெரிவித்துள்ளார்.

இம்மசோதாவை கொண்டு 100 சதவிகித ஊழலை கட்டுப்படுத்த முடியாது என்றும், ஆனால் 50 சதவிகிதமாவது கட்டுப்படுத்த வாய்ப்புள்ளதாக தாம் ஏற்கனவே கூறியுள்ளதாக ஹசாரே மேலும் தெரிவித்தார்.

பின்னர் தனது உண்ணாவிரதப் போராட்டத்தை முடித்துக்கொள்வதாக அறிவித்தார். பள்ளி குழந்தைகள் கொடுத்த இளநீரை பருகிய ஹசாரே, 9 நாட்களுக்குப் பிறகு உண்ணாவிரதத்தை முடித்துக்கொண்டார்.

ராகுல்காந்தியை பிரதமர் வேட்பாளராக அறிவிக்க கூடாது: லல்லு பிரசாத் யாதவ் கருத்து

மாட்டுத்தீவன ஊழல் வழக்கில் ஜாமீன் பெற்று சிறையில் இருந்து விடுதலையான ராஷ்டிரிய ஜனதா தளதலைவர் லல்லு பிரசாத் யாதவ் ராஞ்சியில் நிருபர்களுக்கு பேட்டி அளித்தார். அவரிடம் ராகுல் காந்தியை காங்கிரசின் பிரதமர் வேட்பாளராக அறிவிக்க திட்டமிட்டு இருப்பது பற்றி கேட்கப்பட்டது. அதற்கு லல்லு பிரசாத் யாதவ் கூறியதாவது:-

பிரதமர் வேட்பாளரை தேர்வு செய்வது என்பது காங்கிரசின் முடிவு. நான் தற்போது காங்கிரசுடன் தான் இருக்கிறேன். ஆனால் முதல்-மந்திரியையோ, பிரதமரையோ தேர்தலுக்கு பின்பு தான் முடிவு செய்ய வேண்டும். இப்போதைக்கு ராகுல்காந்தி இளைய தலைவர். மற்றதை அப்புறம் முடிவு செய்யுங்கள்.

லல்லு பிரசாத் மேலும் கூறியதாவது:-

பீகாரில் நிதீஷ்குமார் ஆட்சி இனியும் நீடிக்க கூடாது என்றும், அவரது ஆட்சியை அகற்றவும் மக்கள் தயாராகி வருகிறார்கள். இதற்காக நாங்கள் கடுமையாக பாடுபட்டு வருகிறோம். மத சார்பற்ற கட்சிகள் ஒரே அணியில் சேர வேண்டும். யாராலும் தனியாக நின்று தேர்தலில் ஜெயிக்க முடியாது.

2002 குஜராத் கலவரம் பற்றி முன்னாள் பிரதமர் வாஜ்பாய் அதர்மம் என்று நரேந்திர மோடியை கண்டித்துள்ளார். அப்போது நரேந்திர மோடியை அத்வானிதான் காப்பற்றினார். நிதீஷ்குமாரும் அவர் பக்கம்தான் இருந்தார். அத்வானியின் ரத யாத்திரையை நான்தான் பீகாரில் தடுத்து நிறுத்தினேன். மோடியின் மத யாத்திரையையும் தடுப்போம்.இவ்வாறு அவர் கூறினார்.

ஜனாதிபதி பிரணாப் சென்னை வருகை: வர்த்தக-பொருளாதார கல்வி மையத்தை திறந்து வைக்கிறார்

குடியரசு தலைவர் பிரணாப் முகர்ஜி வரும் டிசம்பர் 20ம் தேதி சென்னை வருகிறார். அப்போது, லயோலா கல்லூரி வளாகத்தில் கட்டப்பட்டுள்ள வர்த்தகம் மற்றும் பொருளாதார கல்வி மைய புதிய கட்டிடத்தை திறந்து வைக்க உள்ளார்.

ரூபாய் 11 கோடி செலவில், 4 மாடிகளை உள்ளடக்கிய இவ்வர்த்தகம் மற்றும் பொருளாதார கல்வி மைய கட்டிடம், "46 ஸ்மார்ட் கிளாஸ்" வகுப்பறைகளை கொண்டுள்ளதாக, அக்கல்லூரி முதல்வர் ஜோசப் அந்தோணி சாமி தெரிவித்துள்ளார்.

1 லட்சம் சதுர அடிகள் பரப்பளவு கொண்ட இக்கட்டிடம், இக்கல்லூரியின் முன்னாள் மாணவர் ஒருவரின் முன் முயற்சியினால் கட்டப்பட்டுள்ளதாகவும், 16 "ஸ்மார்ட் கிளாஸ்" வகுப்புகள் ஒவ்வொன்றையும் தலா ரூ.20 லட்சம் செலவில் பலரின் நிதியுதவியால் அமைத்துள்ளதாகவும் அவர் தெரிவித்தார்.

லயோலாவின் "லிபா"வே இப்படிப்பட்ட கல்வியை வழங்கும்போது, எதற்கு புதிதாக ஒரு கல்வி மையம் என்ற கேள்விக்கு பதிலளித்த அவர், “லிபாவிற்கு சென்னை பல்கலைக்கழகத்துடன் எவ்வித தொடர்பும் இல்லை, அது அகில இந்திய தொழில்நுட்ப கல்வி கவுன்சிலின் நேரடி பார்வையின் கீழ் செயல்பட்டு வருகிறது. ஆனால் புதிய கல்வி மையம் சென்னை பல்கலைக்கழகத்துடன் இணைந்து செயல்படும்” என்று தெரிவித்தார்.

ராஜஸ்தான் முதல்வராக வசுந்தரா ராஜே பதவியேற்றார்

ராஜஸ்தான் மாநிலத்தில் நடந்த சட்டமன்றத் தேர்தலில் பா.ஜனதா தனி மெஜாரிட்டி பெற்றுள்ளது. மொத்தம் உள்ள 200 தொகுதிகளில் 199 தொகுதிகளில் தேர்தல் நடந்தது. இதில் 162 தொகுதிகளை பா.ஜனதா கட்சி கைப்பற்றியது. 2008-ம் ஆண்டு நடந்த தேர்தலில் 96 இடங்களை கைப்பற்றிய காங்கிரஸ் கட்சி தற்போது 21 இடங்களை மட்டுமே தக்கவைத்தது.

ஆட்சியமைக்க போதுமான தனிப்பெரும்பான்மை பெற்றதையடுத்து, பா.ஜனதா கட்சியின் சட்டமன்ற உறுப்பினர்கள் கூட்டம் நேற்று நடைபெற்றது. இக்கூட்டத்தில், சிந்தியா அரச குடும்பத்தைச் சேர்ந்த வசுந்தரா ராஜே சிந்தியா முதலமைச்சர் பதவிக்கு ஒருமனதாக தேர்ந்தெடுக்கப்பட்டார். இதையடுத்து வசுந்தரா ராஜே சிந்தியா ஆளுநர் மார்கரேட் ஆல்வாவை சந்தித்து ஆட்சி அமைக்க அழைக்குமாறு உரிமை கோரினார்.

ஆளுநர் அழைப்பு விடுத்ததையடுத்து இன்று பதவியேற்பு விழா நடைபெற்றது. சட்டசபையில் நடைபெற்ற விழாவில் வசுந்தரா ராஜே சிந்தியா முதல்வராக பதவியேற்றார். அவருக்கு ஆளுநர் மார்கரெட் ஆல்வா பதவிப் பிரமாணமும், ரகசிய காப்பு பிரமாணமும் செய்து வைத்தார். இதன்மூலம் வசுந்தரா இரண்டாவது முறையாக ராஜஸ்தானின் முதல்வர் ஆக பொறுப்பேற்றிருக்கிறார். இன்று முதல்வர் மட்டும் பதவியேற்றார்.

விழாவில் பா.ஜனதா கட்சியின் பிரதமர் வேட்பாளர் நரேந்திர மோடி, மத்திய பிரதேச முதல்வர் சிவராஜ் சிங் சவுகான், சத்தீஸ்கர் முதல்வர் ராமன் சிங் உள்ளிட்ட மூத்த தலைவர்கள், தேர்ந்தெடுக்கப்பட்ட எம்.எல்.ஏ.க்கள் மற்றும் மதத் தலைவர்கள் கலந்துகொண்டனர்.

இதையொட்டி சட்டசபை வளாகத்தில் பிரமாண்ட ஏற்பாடுகள் செய்யப்பட்டிருந்தன. நிகழ்ச்சிகள் அனைத்தும் நேரடி ஒளிபரப்பு செய்யப்பட்டன. விழாவில் பங்கேற்கும் பார்வையாளர்கள் தூரத்தில் இருந்து விழா நிகழ்ச்சியை பார்ப்பதற்கு வசதியாக பெரிய திரைகள் அமைக்கப்பட்டிருந்தன. பதவியேற்றதும் தலைமைச் செயலகத்தில் உள்ள முதல்வர் அலுவலகத்திற்கு வசுந்தரா சென்றார்.

இதற்கிடையே, சூரு தொகுதியில் பகுஜன் சமாஜ் கட்சி வேட்பாளர் இறந்ததையடுத்து அந்த தொகுதியில் தேர்தல் தள்ளிவைக்கப்பட்டு, இன்று வாக்குப்பதிவு நடைபெற்று வருகிறது.

டெல்லியில் ஆட்சியமைக்கப்போவது யார்?: பேச்சு வார்த்தைக்கு வருமாறு பா.ஜ.க.வுக்கு கவர்னர் அழைப்பு

டெல்லி சட்டமன்ற தேர்தல் முடிவுகள் கடந்த 8-ந் தேதி வெளிவந்தது. இதில் எந்தக் கட்சிக்கும் பெரும்பான்மை கிடைக்காத சூழ்நிலையில் ஆட்சி அமைக்கப்போவது யார்? என்று குழப்பம் நிலவி வந்தது.

தேர்தலில் அதிக இடங்களை பிடித்த கட்சி என்ற முறையில் பா.ஜனதா ஆட்சி அமைக்கும் என்று கூறப்பட்டது. மறுபுறம் பா.ஜ.கவை விட 4 இடங்கள் குறைவாக பெற்ற ஆம் ஆத்மி கட்சி ஆட்சி அமைக்க வாய்ப்புள்ளதாக கூறப்பட்டது. பா.ஜ.க.வுக்கு ஆதரவு தர சுயேட்சை எம்.எல்.ஏ.வும், ஆம் ஆத்மி கட்சிக்கு ஆதரவளிக்க ஐக்கிய ஜனதா தள கட்சி சார்பில் வெற்றி பெற்ற ஒரே எம்.எல்.ஏ.வான ஷோயப் இக்பாலும் முடிவு செய்தனர். ஆனால் இரு கட்சிகளும் ஆட்சியமைக்க மறுத்துவிட்டன.

இந்நிலையில் சட்ட வல்லுனர்களிடம் ஆலோசித்த பின்பு அம்மாநில ஆளுனர் நஜீம் ஜங், டெல்லியில் ஆட்சியமைப்பது குறித்து இன்று பேச்சுவார்த்தைக்கு வருமாறு பா.ஜ.கவின் முதலமைச்சர் வேட்பாளரான ஹர்ஷ்வர்த்தனை அழைத்துள்ளார். முன்னதாக குடியரசுத்தலைவர் பிரணாப் முகர்ஜி ஆளுநரை நேற்று அழைத்து டெல்லி நிலவரம் குறித்து விவாதித்தது குறிப்பிடத்தக்கது.

இன்றைய பேச்சுவார்த்தைக்குபின் ஆட்சி அமைப்பது தொடர்பான அரசியல் குழப்பம் முடிவுக்கு வரும் என எதிர்பார்க்கப்படுகிறது.

அடுத்த ஆண்டு நவம்பர் 11–ந் தேதி வால் நட்சத்திரத்தில் தரை இறங்கும் விண்கலம்: விஞ்ஞானிகள் தகவல்

விண்வெளியை ஆராய்ச்சி செய்வதற்காக ஐரோப்பிய விண்வெளி நிறுவனம் ’ரொசேட்டா’ என்ற விண்கலத்தை அனுப்பியுள்ளது. இது கடந்த 2004–ம் ஆண்டு மார்ச் மாதம் சூரிய மண்டலத்தை நோக்கி தனது பயணத்தை தொடங்கியது.
இது 3 தடவை பூமியின் புவி வட்ட பாதையிலும், செவ்வாய் கிரகத்தையும் சுற்றி சென்றுள்ளது. பல லட்சம் கி.மீட்டர் தூரம் பயணம் செய்துள்ள இந்த விண்கலம் 2 விண்கற்களை தாண்டியும் பயணம் செய்துள்ளது.

இந்த நிலையில் இது 67–பி களியுமோல் ஜெராசி மென்கோ என்ற வால் நட்சத்திரத்தையும் கடந்து சென்றது. அதை பார்த்த விஞ்ஞானிகள் அந்த மிகப்பெரிய வால் நட்சத்திரத்தில் ’ரொசேட்டா’ விண்கலத்தை தரை இறங்கும் என எதிர்பார்த்தனர்.

இந்த நிலையில், ’ரொசேட்டா’ விண்கலம் அடுத்த ஆண்டு அதாவது வருகிற 2014–ம் ஆண்டில் நவம்பர் 11–ந் தேதி வால் நட்சத்திரத்தில் தரை இறங்கும் என துல்லியமாக கணக்கிட்டு அறவித்துள்ளனர்.

அது குறித்து ரொசெட்டா விண்கல திட்ட விஞ்ஞானி மட்டெல்வர்கூறியதாவது:– இது போன்று அதற்கு முன் நடைபெற்றதில்லை. அதுபோன்று நடப்பதற்கு பல தடைகள் ஏற்படும். இதில் அதையெல்லாம் கடந்து ’ரொசேட்டா’ விண்கலம் குறிப்பிட்ட நாளில் அந்த வால் நட்சத்திரத்தில் தரை இறங்கும் என தெரிவித்துள்ளார்.

டெல்லியில் ஆம் ஆத்மி வெற்றி எதிரொலி: லோக்பால் மசோதாவை நிறைவேற்ற காங்கிரஸ் முடிவு

ஆம் ஆத்மி கட்சிக்கு டெல்லி சட்டப்பேரவை தேர்தலில் கிடைத்திருக்கும் வெற்றியின் விளைவாக காங்கிரஸ் கட்சி ஜன் லோக்பால் மசோதாவை, நடைபெற்றுக் கொண்டிருக்கும் குளிர்கால கூட்டத்தொடரிலேயே நிறைவேற்ற முடியு செய்துள்ளது.

 

 

டெல்லி சட்டமன்ற தேர்தலில் ஆம் ஆத்மி கட்சி 40 சதவிகித தொகுதிகளை கைப்பற்ற முக்கிய காரணம், மக்கள் ஊழல்வாதிகளை பார்த்து விரக்தி அடைந்து விட்டதும், ஊழல்வாதிகளை வெறுப்பதும்தான் என காங்கிரஸ் கருதுகிறது.

 

காந்தீயவாதி அன்னா ஹசாரே லோக்பால் மசோதாவை நாடாளுமன்றத்தில் தாக்கல் செய்ய வலியுறுத்தி இன்று தனது உண்ணாவிரத்தை துவக்கி உள்ள நிலையில், நாடாளுமன்ற விவகாரத்துறை அமைச்சர் நாராயணசாமி, நடைபெற்றுக் கொண்டிருக்கும் குளிர்கால கூட்டத்தொடரிலேயே இம்மசோதா நிறைவேற்றப்படும் என்று அறிவித்திருக்கிறார்.

 

ஹசாரேவுடன் இணைந்து லோக்பால் மசோதா தொடர்பான போராட்டங்களில் பங்கேற்ற 44 வயதான அரவிந்த் கெஜ்ரிவால், ஆம் ஆத்மி கட்சியை துவங்க உள்ளதாக குறிப்பிட்டபோது ஹசாரேவுடனான தொடர்பில் விரிசல் ஏற்பட்டது. எந்த அரசியல் கட்சியுடனும் சேரும் உத்தேசம் தனக்கில்லை என்று ஹசாரே கூறியுள்ளது குறிப்பிடத்தக்கது.

மத்திய அரசுக்கு எதிராக நம்பிக்கையில்லா தீர்மானம்: சீமாந்திராவின் 6 காங்கிரஸ் எம்.பி.க்கள் நோட்டீஸ் அளித்தனர்

ஆந்திராவைப் பிரித்து தெலுங்கானா மாநிலம் உருவாக்குவதற்கு ஆளும் காங்கிரஸ் உள்ளிட்ட பல்வேறு தரப்பில் இருந்தும் எதிர்ப்பு வலுத்து வருகிறது. புதிய மாநிலம் உருவானால், பல்வேறு எம்.பி.க்களுடன் கட்சியை விட்டு வெளியேற முதல்வர் கிரண்குமார் ரெட்டி திட்டமிட்டிருப்பதாகத் தெரிகிறது. தெலுங்கானா விவகாரத்தால் பாராளுமன்றத்தில் இன்று கடும் அமளி ஏற்பட்டது.

இந்நிலையில், தெலுங்கானாவுக்கு கடும் எதிர்ப்பு தெரிவிக்கும் விதமாக, சீமாந்திரா பகுதியில் உள்ள 6 காங்கிரஸ் எம்.பி.க்கள் இன்று மத்திய அரசுக்கு எதிராக நம்பிக்கையில்லா தீர்மானம் கொண்டு வர நோட்டீஸ் அளித்தனர்.

இதேபோல், ஒய்.எஸ்.ஆர். காங்கிரஸ் தலைவர் ஜெகன் மோகன் ரெட்டி தனது போராட்டம் மக்களை சென்றடைய புதிய திட்டத்தை வகுத்துள்ளார். அதன்படி, மாணவர்கள் மற்றும் விவசாயிகளை திரட்டி ஆர்ப்பாட்ட பேரணிகள் நடத்த உள்ளார். மக்களிடையே இதுபற்றிய விழிப்புணர்வை ஏற்படுத்த பொதுக்கூட்டங்களும் நடத்தப்படும்.

ஏற்காடு இடைத்தேர்தல்: மின்னணு வாக்குப்பதிவு எந்திரத்துக்கு 3 அடுக்கு போலீஸ் பாதுகாப்பு

ஏற்காடு தொகுதியில் ஓட்டுப்பதிவு முடிந்ததும் மின்னணு வாக்குப்பதிவு எந்திரங்கள் ஓட்டு எண்ணும் மையத்துக்கு கொண்டு செல்லப்பட்டது. அங்கு 3 அடுக்கு போலீஸ் பாதுகாப்பு போடப்பட்டு 24 மணி நேரமும் தீவிரமாக கண்காணிக்கப்பட்டு வருகிறது.ஏற்காடு தொகுதியில் அ.தி.மு.க. வேட்பாளர் சரோஜா, தி.மு.க. வேட்பாளர் மாறன் உள்ளிட்ட 11 பேர் போட்டியிட்டனர். இதற்காக தொகுதி முழுவதும் 120 இடங்களில் 290 வாக்கு சாவடி மையங்கள் அமைக்கப்பட்டு நேற்று வாக்குப்பதிவு நடந்தது.

குளிரையும் பொருட்படுத்தாமல் பொதுமக்கள் காலை முதலே திரண்டு வந்து நீண்ட வரிசையில் நின்று தங்களது ஜனநாயக கடமையை செய்தனர். பொதுமக்கள் அச்சமின்றி வாக்களிக்கும் வகையில் முன் எப்போதும் இல்லாத அளவுக்கு கூடுதல் பாதுகாப்பு போடப்பட்டு இருந்தது.உள்ளூர் போலீசார், சிறப்பு காவல் படையினர், துணை ராணுவப்படையினர் என 3 அடுக்கு பாதுகாப்பு போடப்பட்டு இருந்தது. மேலும் ஒவ்வொரு வாக்கு சாவடிக்கும் போலீஸ் பாதுகாப்பு போடப்பட்டு இருந்தது.

நேற்று காலை 8 மணிக்கு தொடங்கிய ஓட்டுப்பதிவு விறுவிறுப்பாக அமைதியான முறையில் நடந்து முடிந்தது. மொத்தம் 89.24 சதவீத வாக்குகள் பதிவாகி இருக்கிறது. ஏற்காடு தொகுதி வரலாற்றிலேயே இந்த வாக்கு சதவீதம் தான் அதிகம்.வாக்குப்பதிவு முடிந்ததும் அதிகாரிகள் வேட்பாளர்களின் ஏஜெண்டுகள் முன்னிலையில் மின்னணு வாக்குப்பதிவு எந்திரத்துக்கு சீல் வைத்து பலத்த போலீஸ் பாதுகாப்புடன் லாரிகள் மூலம் ஓட்டு எண்ணும் இடமான அஸ்தம்பட்டி சி.எஸ்.ஐ. பாலிடெக்னிக் கல்லூரிக்கு கொண்டு வந்தனர். நள்ளிரவு வரை மின்னணு வாக்குப்பதிவு எந்திரங்கள் கொண்டு வரப்பட்டது.

இங்கு கொண்டு வரப்பட்ட மின்னணு வாக்குப்பதிவு பெட்டிகளை பாதுகாப்பு பணியில் இருந்த வருவாய்த்துறை அதிகாரிகள், போலீசார் சோதனையிட்டனர். இந்த சோதனையில் வாக்கு சாவடிகளுக்கு வழங்கப்பட்ட மின்னணு வாக்குப்பதிவு எந்திர எண்ணும், கல்லூரிக்கு கொண்டு வரப்பட்ட வாக்குப்பதிவு எந்திர எண்ணும் ஒரே மாதிரியாக உள்ளதா? என்று சோதனையிட்டு, அதற்கு என ஒதுக்கப்பட்டுள்ள அறையில் பாதுகாப்பாக வைக்கப்பட்டது.முதலாவதாக நேற்று இரவு 8.10 மணிக்கு ஏற்காடு குண்டூர் வாக்குச்சாவடி மையத்தில் பதிவான மின்னணு வாக்குப்பதிவு எந்திரம் கொண்டு வரப்பட்டது. அதை அதிகாரிகள் சோதனையிட்டு சீல் வைத்து அறையில் பாதுகாப்பாக வைத்தனர். இதையடுத்து அடுத்தடுத்து தொகுதியின் அனைத்து இடங்களிலும் பதிவான மின்னணு வாக்குப்பதிவு எந்திரங்கள் வாக்கு எண்ணும் மையத்துக்கு கொண்டு வரப்பட்டது.

ஏற்காடு மற்றும் கருமந்துறை உள்பட பல மலைக்கிராமங்களில் இருந்து மின்னணு வாக்குப்பதிவு எந்திரங்கள் விடிய விடிய கொண்டு வரப்பட்டது. இதுதவிர சில கிராமங்களில் இருந்து மின்னணு வாக்குப்பதிவு எந்திரங்கள் கொண்டு வர சற்று தாமதம் ஆனது.இன்று அதிகாலை 5 மணி வரை மின்னணு வாக்குப்பதிவு எந்திரங்கள் கொண்டு வந்து வைக்கப்பட்டது. பின்னர் இந்த அறைக்கு அதிகாலை 5.30 மணி அளவில் ஏற்காடு தொகுதி தேர்தல் நடத்தும் அதிகாரி சபாபதி, தாசில்தார்கள் தங்கராஜ், பாலசுப்பிரணியம், சுரேஷ், சந்திரசேகரன் மற்றும் அதிகாரிகள் மூன்று முறை சீல் வைத்தனர்.
மின்னணு வாக்குப் பதிவு எந்திரம் வைக்கப்பட்டு இருக்கும் அறையின் வெளியே கண்காணிப்பு காமிரா பொருத்தப்பட்டுள்ளது. இதன் மூலம் 24 மணிநேரமும் கம்ப்யூட்டர் மூலம் தேர்தல் அதிகாரிகள், போலீசார் கண்காணித்து கொண்டு இருப்பார்கள். மேலும் சி.எஸ்.ஐ. பாலிடெக்னிக் கல்லூரி நுழைவு வாயில், கல்லூரி வளாகம், மின்னணு வாக்குப்பதிவு எந்திரம் வைக்கப்பட்டு இருக்கும் அறை என 3 அடுக்கு போலீஸ் பாதுகாப்பு போடப்பட்டுள்ளது. வருகிற 8–ந் தேதி வாக்குகள் எண்ணப்பட்டு முடிவு அறிவிக்கப்படும்.

செவ்வாயை நோக்கிய பயணம்: மங்கள்யான் விண்கலம் புவிஈர்ப்பு மண்டலத்தை தாண்டியது

செவ்வாய்கிரகம் பற்றி ஆராய்ச்சி செய்வதற்காக இந்தியா மங்கள்யான் என்ற விண்கலத்தை செவ்வாய் கிரகத்துக்கு அனுப்பி உள்ளது. 450 கோடி ரூபாய் செலவில் தயாரிக்கப்பட்ட இந்த விண்கலம் பி.எஸ்.எல்.வி. ராக்கெட் மூலம் ஸ்ரீஹரிகோட்டா ஏவுதளத்தில் இருந்து கடந்த மாதம் 5-ம் தேதி விண்ணில் செலுத்தப்பட்டது.

மங்கள்யானின் சுற்று வட்டப்பாதை படிப்படியாக உயர்த்தப்பட்டு கடைசியாக 2 லட்சம் கி.மீ. உயரத்துக்கு பல்வேறு சிக்கல்களுக்குப்பின் உயர்த்தப்பட்டது. சுற்று வட்டப்பாதையை உயர்த்தும்போது மங்கள்யானில் உள்ள சிறிய ராக்கெட்டுகள் இயங்கவில்லை என்றாலும் அதில் உள்ள எரிபொருள்கள் வீணாகாததால் ராக்கெட்டுகளை மீண்டும் இயக்கும் பணி நடந்தது. இதில் இஸ்ரோ விஞ்ஞானிகள் வெற்றி பெற்றனர்.

மங்கள்யான் நேற்று முன்தினம் 5,36,000 கி.மீ தூரத்தை கடந்து சந்திரனின் சுற்றுப்பாதையை தாண்டிய நிலையில் இன்று அதிகாலை 1.14 மணியளவில் 9,25,000 கி.மீ தூரத்தை கடந்து புவிஈர்ப்பு மண்டலத்தை தாண்டி சென்றதாக இஸ்ரோ தகவல் தெரிவித்துள்ளது.

விண்கலம் சுற்றுப்பாதையில் இருந்து விலகினால் டிசம்பர் 11, ஏப்ரல், ஆகஸ்ட் மற்றும் செப்டம்பர் 14 ஆகிய நாட்களில் சரிசெய்து செப்டம்பர் 2014-ல் செவ்வாய் கிரகத்தின் சுற்றுப்பாதையை அடைய முடிவு செய்யப்பட்டுள்ளது.

இவ்வாராய்ச்சி வெற்றிகரமாக முடியும் போது ஏற்கனவே செவ்வாய் கிரக ஆராய்ச்சிக்காக விண்கலம் அனுப்பி வெற்றி கண்ட அமெரிக்கா, ஐரோப்பா மற்றும் ரஷ்யா ஆகிய நாடுகளின் வரிசையில் இந்தியாவும் இடம்பெறும் வாய்ப்புள்ளது.

குமரியில் புயல் எச்சரிக்கை காரணமாக மீனவர்கள் கடலுக்கு செல்ல தடை

வங்ககடலில் குறைந்த காற்றழுத்த தாழ்வுநிலை உருவாகி இருப்பதால் தென்மாவட்டங்களில் மழை பெய்யும் என்று வானிலை ஆய்வு மையம் தெரிவித்துள்ளது.குமரி மாவட்டத்தில் கடந்த சில நாட்களாக தொடர்ந்து சாரல் மழை பெய்து வருகிறது. நாகர்கோவில், கொட்டாரம், மயிலாடி, ஆரல்வாய்மொழி, சுருளோடு, முள்ளாங்கினாவிளை மற்றும் அதன் புறநகர் பகுதியில் நேற்று இரவு பரவலாக மழை பெய்தது.

முள்ளாங்கினாவிளையில் அதிகபட்சமாக 15 மி.மீ. மழை பதிவாகி உள்ளது. மழையோர பகுதியான பாலமோரில் பலத்த மழை பெய்ததால் பேச்சிப்பாறை அணைக்கு வரக்கூடிய நீர்வரத்து அதிகரித்துள்ளது.பேச்சிப்பாறை அணையின் நீர்மட்டம் 27.20 அடியாக இருந்தது. அணைக்கு வினாடிக்கு 196 கன அடி தண்ணீர் வந்து கொண்டு இருக்கிறது. பெருஞ்சாணி அணை நீர்மட்டம் 60.80 அடியாகவும், சிற்றார்–1 அணை நீர்மட்டம் 12.79 அடியாகவும், சிற்றார்–2 அணை நீர்மட்டம் 12.89 அடியாகவும், மாம்பழத் துறையாறு அணை நீர்மட்டம் 51.02 அடியாகவும் உள்ளது. நாகர்கோவிலுக்கு குடிநீர் வழங்கும் முக்கடல் அணை நீர் மட்டம் 21 அடியாக உயர்ந்து உள்ளது. மொத்தம் 25 அடி கொள்ளளவு கொண்ட இந்த அணை நிரம்ப இன்னும் 4 அடியே தேவை.

மாவட்டம் முழுவதும் நேற்று காலை 8 மணி முதல் இன்று காலை 8 மணி வரை பெய்த மழை அளவு மில்லி மீட்டாரில் வருமாறு:–
பேச்சிப்பாறை, 12.2, பெருஞ்சாணி 2.8, சிற்றார்1–9.8, சிற்றார்2 –6.8, ஆனைக்கிடங்கு–2, குளச்சல் 4.6, முள்ளாங்கினாவிளை 15, புத்தர்அணை 2.6, நாகர்கோவில் 5.1, பூதப்பாண்டி, 8, கன்னிமார் 8.3, ஆரல்வாய்மொழி 7, பாலமோர் 8.2, மயிலாடி 1.5.

வங்ககடலில் உருவாகியுள்ள குறைந்த தாழ்வுநிலை காரணமாக குமரி மாவட்ட மீனவர்கள் கடலுக்கு செல்ல வேண்டாம் என்று மீன் வளத்துறை அதிகாரிகள் எச்சரிக்கை விடுத்துள்ளனர்.இதுகுறித்து மீனவ துறை அதிகாரிகள் விடுத்துள்ள அறிக்கையில் ‘குமரி மாவட்டத்தில் இன்று கடல் சீற்றத்துடன் காணப்படும். எனவே 24 மணி நேரத்திற்கு மீனவர்கள் யாரும் கடலுக்கு செல்ல வேண்டாம்’ என கூறி உள்ளனர்.மீனவர்களுக்கு எச்சரிக்கை விடுக்கப்பட்டுள்ளதால் கன்னியாகுமரி முதல் நீரோடி வரை உள்ள கடற்கரை கிராமங்களில் பெரும்பாலான மீனவர்கள் இன்று கடலுக்கு மீன்பிடிக்க செல்லவில்லை.

தெண்டுல்கருக்கு பாரத ரத்னா விருது: மத்திய அரசு ஐகோர்ட்டில் விளக்கம்

சென்னை ஐகோர்ட்டில் வக்கீல் கனகசபை பொதுநல மனு ஒன்றை தாக்கல் செய்திருந்தார். அதில் கூறப்பட்டு இருப்பதாவது:–
கிரிக்கெட் வீரர் சச்சின் தெண்டுல்கர் மற்றும் அறிவியல் விஞ்ஞானி சி.என்.ராவ் ஆகியோருக்கு பாரத ரத்னா விருது வழங்கப்பட உள்ளதாக பிரதமர் மன் மோகன்சிங் அறிவிப்பு வெளியிட்டார்.

பொதுவாக பாரத ரத்னா விருது கலை, இலக்கியம், அறிவியல் ஆகிய துறைகளைச் சேர்ந்தவர்களுக்குத்தான் வழங்கப்படும்.விளையாட்டு வீரருக்கு இதுபோன்ற விருது வழங்கப்பட்டது இல்லை. தெண்டுல்கருக்கு இந்த விருதை அறிவித்து இருப்பது விதிமுறை மீறலாகும். எனவே இதை ரத்து செய்ய வேண்டும்.இவ்வாறு மனுவில் கூறப்பட்டு இருந்தது.

தலைமை நீதிபதி ராஜேஷ்குமார் அக்ரவால், நீதிபதி ரவிச்சந்திர பாபு ஆகியோர் அடங்கிய பெஞ்ச் முன்பு இன்று விசாரணைக்கு வந்தது.அப்போது மத்திய அரசின் கூடுதல் சொலிசிட்டர் பி.வில்சன் ஒரு அறிக்கையை தாக்கல் செய்தார். அதில் கூறப்பட்டு இருப்பதாவது:–இந்திய ஜனாதிபதி 16–11–2011 அன்று வெளியிட்ட அறிக்கையில், கலை, இலக்கியம், அறிவியல் மட்டுமல்லாமல் பிற துறையில் சிறந்து விளங்குபவர்களுக்கும் பாரத ரத்னா விருது வழங்கலாம் என்று கூறியுள்ளார். இதன் அடிப்படையில் சச்சின் தெண்டுல்கர் பாரத ரத்னா விருதுக்கு அறிவிக்கப்பட்டுள்ளார்.இவ்வாறு அந்த அறிக்கையில் கூறப்பட்டு இருந்தது.பின்னர் இந்த வழக்கை நாளைக்கு நீதிபதிகள் தள்ளி வைத்தனர்.

2015–ம் ஆண்டு சந்திரனில் துளசி செடி வளர்க்க நாசா திட்டம்

சந்திரனில் தாவரங்கள் வளரச்செய்யும் ஆராய்ச்சியில் அமெரிக்காவின் நாசா விண்வெளி மையம் ஈடுபட உள்ளது. அதற்கான ஆய்வை வருகிற 2015–ம் ஆண்டு தொடங்க உள்ளது.

அதற்கான ஆயத்த பணியை இப்போதே தொடங்கிவிட்டது. அதற்காக எந்த வகை பயிர்களை முளைக்க வைத்து விளைய செய்ய முடியும் என ஆய்வு நடத்தியது.

அதில், டர்னிப் எனப்படும் சீனம் முள்ளங்கி, துளசி, ஓமம் மற்றும் அராபி டாப்சிஸ் என்ற ஒருவகை தாவரம் பயிரிட முடியும் என கண்டறியப்பட்டுள்ளது. அவற்றின் விதைகள் 5 முதல் 10 நாட்களில் முளைக்கும் தன்மை உடையது.

இந்த விதைகளை முளைக்க வைத்து காய்கறி விளைவிப்பதன் மூலம் அங்கு மனிதன் தங்கி உயர் வாழ முடியுமா என்ற ஆய்வையும் தொடர்ந்து நடத்த நாசா திட்டமிட்டுள்ளது.

தாவரங்களை வளர்ப்பதற்காக சந்திரனுக்கு வருகிற 2015–ம் ஆண்டில் ஒரு ஆய்வு கூடம் அனுப்பப்படுகிறது. அதில் 5 முதல் 10 நாட்களில் முளைத்து வளரக்கூடிய டக்னிப், அராபி, டோப்சிஸ், ஓமம், துளசி செடி வகைகளின் விதைகளும் எடுத்து செல்லப்படுகின்றன.

இந்த தாவரங்கள் செழித்து வளரும் பட்சத்தில் அங்கு மனிதனும் வாழ முடியும் என நாசா விஞ்ஞானிகள் கருதுகின்றனர். அதற்கான ஆய்வும் தொடர்ந்து நடத்த திட்டமிடப்பட்டுள்ளது. அதற்கான முன்னோடி ஆராய்ச்சியாக தாவரங்கள் பயிரிடப்படுகிறது.

அரசியலமைப்பின் கடமைகளை நிறைவேற்ற காங்கிரஸ் தவறிவிட்டது: மோடி குற்றச்சாட்டு

ராஜஸ்தான் மாநிலத்தில் டிசம்பர் 1-ம் தேதி சட்டமன்றத் தேர்தல் நடைபெறுகிறது. இதற்கான இறுதிக்கட்ட பிரசாரத்தில் தலைவர்கள் ஈடுபட்டுள்ளனர். சிகர் என்னுமிடத்தில் நடந்த பொதுக்கூட்டத்தில் நேற்று பேசிய காங்கிரஸ் கட்சியின் தலைவர் சோனியா காந்தி, ஏழை மக்களுக்காக பல சட்டங்கள் நிறைவேற்றப்பட்டிருப்பதாக கூறினார்.

இதற்கு பதில் அளிக்கும் வகையில் பாரதிய ஜனதாவின் பிரதமர் வேட்பாளர் நரேந்திர மோடி இன்று அதே சிகர் பகுதியில் நடைபெற்ற பொதுக்கூட்டத்தில் பேசினார். அப்போது சோனியா காந்தி பற்றி அவர் பேசியதாவது:-

ஏழைகளுக்கான சட்டத்தை உருவாக்கும் சோனியா காந்தி, அதை சம்பந்தப்பட்ட இடங்களுக்கு சென்று நிறைவேற்றுவது கிடையாது. பாபா சாகேப் பீமா ராவ் அம்பேத்கார், ஏழை மக்களை காப்பாற்றவும், அவர்களுக்கு படிப்பறிவை கொடுக்கவும் சட்டத்தை உருவாக்கினார்.

ஆனால், காங்கிரஸ் தலைமையிலான அரசு இந்த அரசியலமைப்பின் கடமைகள் மற்றும் பொறுப்புகளை நிறைவேற்றியிருக்கவில்லை. கடந்த 60 வருடங்களாக அவர்கள் நாட்டை அழித்து இருக்கிறார்கள்.

துப்பாக்கிக்கு பதில், துப்பாக்கிக்கான லைசென்சை ஒரு சிங்கத்திடம் காட்டுகிறீர்கள். இதை கண்டு அது பயப்படப் போவதில்லை. அதேபோன்று ஏழைகளுக்கான சட்டத்தை உருவாக்குவது மட்டும் போதாது. அதை நடைமுறைப்படுத்துவது மிக அவசியம்.

உச்ச நீதிமன்றத்தை கூட கண்டுகொள்ளாமல், ஐக்கிய முற்போக்கு கூட்டணி அரசு ஏழைகளுக்கான திட்டங்களை நிறைவேற்றவில்லை. ரெயில் நிலையங்களில் ஆயிரக்கணக்கான டன் கோதுமைகளை அவர்கள் அழிவதற்கு அனுமதிக்கிறார்கள்.

அழிந்துகொண்டிருக்கிற அந்த கோதுமைகளை ஒரு கிலோ 80 பைசா விலைக்கு ஒயின் தயாரிப்பு கம்பெனிகளுக்கு விற்றுவிடுகிறார்கள். அதை ஏழைகளுக்கு கொடுப்பதில்லை.

ராஜஸ்தானின் சிகர் உள்ளிட்ட பகுதிகள் பயன்பெறும் நதிகளை இணைக்கும் வாஜ்பாயின் கனவு திட்டத்தினை காங்கிரஸ் தலமையிலான அரசு நிறைவேற்றவில்லை இவ்வாறு அவர் பேசினார்.

டிசம்பர் 1–ந்தேதி செவ்வாய் கிரகத்துக்கு திசை திரும்புகிறது மங்கள்யான்

மங்கள்யான் விண்கலம் வருகிற 1–ந்தேதி பூமியின் சுற்று வட்டப்பாதையில் இருந்து செவ்வாய் கிரகத்துக்கு திசை திருப்பப்படுகிறது.

செவ்வாய்கிரகம் பற்றி ஆராய்ச்சி செய்வதற்காக இந்தியா மங்கள்யான் விண்கலத்தை அனுப்பி உள்ளது. ரூ.450 கோடி செலவில் தயாரிக்கப்பட்ட இந்த விண்கலம் பி.எஸ்.எல்.வி. ராக்கெட் மூலம் ஸ்ரீஹரிகோட்டா ஏவுதளத்தில் இருந்து விண்ணில் செலுத்தப்பட்டது.

பூமியைச் சுற்றி வரும் மங்கள்யானின் சுற்று வட்டப்பாதை படிப்படியாக உயர்த்தப்பட்டு வருகிறது. கடைசியாக 2 லட்சம் கி.மீ. உயரத்துக்கு பல்வேறு சிக்கல்களுக்குப்பின் உயர்த்தப்பட்டது. சுற்று வட்டப்பாதையை உயர்த்தும்போது மங்கள்யானில் உள்ள சிறிய ராக்கெட்டுகள் இயங்கவில்லை என்றாலும் அதில் உள்ள எரிபொருள்கள் வீணாகாததால் ராக்கெட்டுகளை மீண்டும் இயக்கும் பணி நடந்தது. இதில் இஸ்ரோ விஞ்ஞானிகள் வெற்றி பெற்றனர்.

தற்போது பூமியின் சுற்று வட்டப்பாதையில் 2 லட்சம் கி.மீ. தூரத்தை விண்கலம் எட்டி விட்டதால் அடுத்தகட்டமாக மங்கள்யானை செவ்வாய் கிரகம் நோக்கி திசை திரும்பும் பணி நடைபெறுகிறது. வருகிற 1–ந்தேதி இந்தப்பணி மேற்கொள்ளப்படுகிறது.

பூமியின் சுற்று வட்டப்பாதையில் இருந்து செவ்வாய் கிரகத்துக்கு திசை திருப்புவது என்பது மிகவும் சிக்கலானது என்பதால் மங்கள்யானுக்கு இது முக்கிய கட்டமாகும். செவ்வாய் நோக்கி பயணத்தை திசை திருப்பும் முயற்சியில் இஸ்ரோ விஞ்ஞானிகள் இறங்கியுள்ளனர்.
ஏற்கனவே சுற்றுவட்டப்பாதையின் உயரத்தை அதிகரிப்பதில் பல சிக்கல்கள் ஏற்பட்டபோதும் விஞ்ஞானிகள் அதை வெற்றிகரமாக சமாளித்து விட்டனர். தற்போது டிசம்பர் 1–ந்தேதி முக்கிய கட்டம் என்பதால் இஸ்ரோ விஞ்ஞானிகள் பதற்றத்தில் உள்ளனர்.

பெருநாட்டில் 5.5 ரிக்டர் அளவில் நிலநடுக்கம்: கட்டிடங்கள் குலுங்கியதால் பீதி

பெருநாட்டில் 5.5 ரிக்டர் அளவில் நிலநடுக்கம் ஏற்பட்டது. இதனால் கட்டிடங்கள் குலுங்கியதால் மக்களிடையே பீதி ஏற்பட்டது.

தென் அமெரிக்காவின் பெருநாட்டில் நேற்று மாலை 3.06 மணிக்கு நிலநடுக்கம் ஏற்பட்டது. இதனால் தலைநகர் லிமா மற்றும் அதை சுற்றியுள்ள 72 மைல் சுற்றளவில் வீடுகள் மற்றும் கட்டிடங்கள் குலுங்கின.

இதனால் பீதி அடைந்த மக்கள் வீடுகளை விட்டு வெளியேறி ரோடுகளில் ஓட்டம் பிடித்தனர். பாதுகாப்பான இடங்களில் தங்கினர்.

இங்கு 5.5 ரிக்டரில் நிலநடுக்கம் பதிவானதாக அமெரிக்க புவியியல் ஆய்வு மையம் தெரிவித்துள்ளது. குயில்மானா பகுதியில் பூமிக்கு அடியில் 26 மைல் ஆழத்தில் நிலநடுக்கம் ஏற்பட்டது.

இதனால் பெரிய அளவில் சேதம் எதுவும் ஏற்படவில்லை. சுனாமி எச்சரிக்கை எதுவும் விடவில்லை.

சென்னையில் ஏ.டி.எம். மையங்களில் கூடுதல் பாதுகாப்பு: துப்பாக்கி ஏந்திய காவலாளிகளை நியமிக்க உத்தரவு

பெங்களூரில் வங்கி ஏ.டி.எம். மையத்தில் வைத்து, பெண் தாக்கப்பட்டு, பணம் கொள்ளை அடிக்கப்பட்ட சம்பவம் நாடு முழுவதும் கடும் அதிர்ச்சி அலைகளை ஏற்படுத்தி உள்ளது. சென்னையிலும் வங்கி ஏ.டி.எம். மையங்களில் இதுபோல் கொள்ளைச்சம்பவங்கள் நடக்கும் அபாயம் உள்ளது.

ஏற்கனவே சென்னை நீலாங்கரையில் வங்கி ஏ.டி.எம். மையத்தில் எந்திரத்தை உடைத்து, லட்சக்கணக்கில் பணம் கொள்ளைபோனது. சென்னை கீழ்ப்பாக்கத்தில் உள்ள ஏ.டி.எம். மையத்தில், லட்சக்கணக்கான பணத்துடன், எந்திரத்தையே பெயர்த்து எடுத்துச் சென்று விட்டனர்.

அந்த வழக்கில் குற்றவாளிகள் இன்னும் கைது செய்யப்பட வில்லை. சென்னை ஐஸ்-அவுசில் கூட ஏ.டி.எம். மையத்தில் கொள்ளை முயற்சி நடந்தது. தற்போது பெங்களூரில் பெண் தாக்கப்பட்ட சம்பவமும் நடந்துள்ளதால், சென்னையில் ஏ.டி.எம். மையங்களில் பாதுகாப்பை பலப்படுத்த கமிஷனர் ஜார்ஜ் உத்தரவிட்டுள்ளார்.

வங்கி ஏ.டி.எம். மையங்களில் துப்பாக்கி ஏந்திய காவலாளிகளை நியமிக்க வேண்டும். இணையதள தொடர்புடன் கூடிய கண்காணிப்பு கேமராக்களை, ஏ.டி.எம். மையத்தின் உள்ளேயும், வெளியேயும் கண்டிப்பாக நிறுவ வேண்டும்.

மேலும் ஏ.டி.எம். மையங்களுக்கு ஒரு இடத்தில் இருந்து இன்னொரு இடத்திற்கு பணத்தை எடுத்து செல்லும்போது, போதுமான பாதுகாப்பு ஏற்பாடுகளுடன் செல்ல வேண்டும். அந்தந்த பகுதி இன்ஸ்பெக்டர்கள் தங்கள் எல்லையில் உள்ள ஏ.டி.எம். மையங்களில் சென்று பார்வையிட்டு, கண்டிப்பாக காவலாளிகளை நியமிக்க வங்கி நிர்வாகத்திற்கு எடுத்துரைக்கவும் ஆணை பிறப்பிக்கப்பட்டுள்ளது.

ரோந்து போலீசாரும் அடிக்கடி ஏ.டி.எம். மையம் உள்ள இடங்களில் சென்று கண்காணிக்கவும் ஆணையிடப்பட்டுள்ளது. சென்னையில் 4 ஆயிரம் ஏ.டி.எம். மையங்களும், தமிழகம் முழுவதும் சுமார் 22 ஆயிரம் ஏ.டி.எம். மையங்களும் இருப்பதாக போலீஸ் தரப்பில் தெரிவிக்கப்பட்டுள்ளது.

போலீஸ் டி.ஜி.பி. ராமானுஜமும் தமிழகம் முழுவதும் அனைத்து மாவட்ட போலீஸ் சூப்பிரண்டுகளுக்கும், மாநகர போலீஸ் கமிஷனர்களுக்கும் அவசர சுற்றறிக்கை ஒன்றை அனுப்பி உள்ளார். அதில், வங்கி ஏ.டி.எம். மையங்களில் கண்காணிப்பையும், பாதுகாப்பையும் பலப்படுத்துமாறு கேட்டுக்கொண்டுள்ளார்.

ஏ.டி.எம். மையங்களில் பாதுகாப்பு பணிகளில் ஈடுபடும் காவலாளிகள் தூங்காமல் விழிப்போடு இருக்க வேண்டும் என்றும், போலீசார் நேரடியாக சென்று அறிவுரை வழங்கி வருகிறார்கள்.

காமன்வெல்த் மாநாட்டில் இந்தியா பங்கேற்றதற்கு எதிராக வழக்கு: சுப்ரீம் கோர்ட்டில் மனு தாக்கல்

இலங்கையில் நடந்த இறுதி போரில் ஏராளமான அப்பாவி தமிழர்கள் கொல்லப்பட்டனர், அங்கு மனித உரிமைகள் மீறப்பட்டுள்ளது என்றும், அதனால் இலங்கையில் நடைபெறும் காமன்வெல்த் மாநாட்டை இந்திய அரசு புறக்கணிக்க வேண்டும் என்றும் தமிழக சட்டசபையில் ஏகமனதாக தீர்மானம் நிறைவேற்றப்பட்டது.

பல்வேறு தமிழ் அமைப்புகளும் இந்த கோரிக்கையை வலியுறுத்தின. ஆனால் இந்திய அரசு சார்பில் மத்திய மந்திரி சல்மான் குர்ஷித் மற்றும் அதிகாரிகள் கலந்து கொண்டனர். இதற்கு பல்வேறு தரப்பினரும் எதிர்ப்பு தெரிவித்து வரும் நிலையில், இப்போது சுப்ரீம் கோர்ட்டிலும் வழக்கு தொடரப்பட்டுள்ளது.

சுப்ரீம் கோர்ட்டில் நேற்று வக்கீல்கள் சுந்தரவதனம், ராஜேந்திரன் மற்றும் டிராபிக் ராமசாமி ஆகியோர் சார்பில் ஒரு மனு தாக்கல் செய்யப்பட்டது. அதில், இலங்கையில் நடைபெற்ற காமன்வெல்த் மாநாட்டில் கலந்து கொள்வது என்று மத்திய அரசு எடுத்த முடிவும், வெளியுறவுத்துறை மந்திரி சல்மான் குர்ஷித் மாநாட்டில் கலந்து கொண்டதும் இந்திய அரசியல் சட்டத்தின் அடிப்படையில் செல்லாது என்று அறிவிக்க வேண்டும் என்று கூறப்பட்டுள்ளது.

1994–ம் ஆண்டில் எஸ்.ஆர்.பொம்மை வழக்கில், சுப்ரீம் கோர்ட்டு அடிப்படை கட்டமைப்புகளை மீறாமல் மத்திய அரசு செயல்பட வேண்டும் என்று தீர்ப்பு வழங்கியது.

அதன் பிறகும், தமிழக சட்டசபையில் தீர்மானம் நிறைவேற்றிய பிறகும், மக்களின் போராட்டங்களுக்கு பிறகும், மத்திய அரசு தமிழகத்தின் பிரதிநிதிகளை கலந்து ஆலோசிக்காமல் காமன்வெல்த் மாநாட்டில் கலந்து கொள்ள முடிவெடுத்தது இந்திய அரசியலமைப்பின் அடிப்படை கட்டமைப்புக்கு எதிரானது.

இனி இலங்கை குறித்த வெளியுறவு தொடர்பான விஷயங்களை தமிழ்நாடு அரசு அல்லது தமிழ் பிரதிநிதிகளை கலந்து ஆலோசித்த பின்னரே முடிவெடுக்க மத்திய அரசுக்கு உத்தரவிட வேண்டும் என்றும், நாங்கள் சுப்ரீம் கோர்ட்டை அணுகியிருக்கிறோம் என்றும் மனுதாரர் சுந்தரவதனன், மனுவை தாக்கல் செய்த வக்கீல் ராஜாராமன் ஆகியோர் பத்திரிகையாளர்களிடம் தெரிவித்தனர். இந்த வழக்கு இன்னும் இரண்டு வாரங்களில் விசாரணைக்கு வரும் என்று எதிர்பார்க்கப்படுகிறது.

இலங்கை சிறையில் உள்ள 86 மீனவர்களை மீட்க நடவடிக்கை எடுக்க வேண்டும்: பிரதமருக்கு ஜெயலலிதா கடிதம்

பிரதமர் மன்மோகன் சிங்குக்கு முதல்–அமைச்சர் ஜெயலலிதா இன்று ஒரு கடிதம் எழுதி உள்ளார். அதில் அவர் கூறி இருப்பதாவது:–

பாக் ஜல சந்தியில் தங்களது பாரம்பரிய மீன்பிடிப்பு பகுதிக்கு சென்று மீன் பிடிக்கும் தமிழக மீனவர்களை இலங்கை கடற்படை தாக்கி, பிடித்துச் செல்வது பற்றி மிகுந்த மன வேதனையுடன் இந்த கடிதத்தை உங்களுக்கு நான் எழுதுகிறேன்.

தமிழக மீனவர்களின் இந்த வாழ்வாதார பிரச்சினைப் பற்றி நான் உங்களுக்கு பல தடவை கடிதங்கள் எழுதியுள்ள போதிலும், இலங்கை கடற்படையினர் கேள்வி கேட்பாரின்றி தமிழக மீனவர்களை தாக்கி சித்ரவதை செய்வது தொடர்கிறது. இந்திய அரசு இந்த விஷயத்தில் மவுனமாகவும், அக்கறை இல்லாத போக்குடனும் இருப்பதால்தான் இலங்கை கடற்படை இப்படி அதிகாரம் கொண்டது போல அத்துமீறி செயல்படுகிறது.

இந்த நிலையில் அதிர்ச்சி அளிக்க வைக்கும் மற்றொரு நிகழ்வாக, ராமநாதபுரம் மாவட்டம் ராமேஸ்வரத்தில் இருந்து 4–11–2013 அன்று ஐஎன்டி–டி.என்.–10 எம்எம்–333, ஐ.என்டி–டி.என்–10– எம்எம்–158, ஐஎன்டி–டிஎன்–10–எம்எம் – 104 ஆகிய 3 எந்திரப் படகுகளில் மீன் பிடிக்க சென்ற 13 மீனவர்கள் 5–11–2013 அன்று இலங்கை கடற்படையால் தாக்கி பிடித்து செல்லப்பட்ட சம்பவம் நடந்துள்ளது.

அதே தினத்தன்று புதுக்கோட்டை மாவட்டம் ஜெகதாபட்டிணத்தைச் சேர்ந்த 17 மீனவர்கள் ஐஎன் டி–டிஎன்–08 – எம்எம்–028, ஐஎன்டி–டிஎன்–08– எம் எம்–404, ஐஎன்டி– டிஎன்–08 –எம்எம்–082, ஐஎன்டி– டிஎன்–08 – எம்எம்–318 ஆகிய 4 எந்திரப் படகுகளில் சென்று மீன் பிடித்து கொண்டிருந்த போது இலங்கை கடற்படையால் பிடித்துச் செல்லப்பட்டுள்ளனர்.

5–11–2013 தினத்தன்று மட்டும் இந்த 30 தமிழக மீனவர்கள் 7 படகுகளுடன் சட்ட விரோதமாக இலங்கை கடற்படையால் பிடித்து செல்லப்பட்டுள்ளனர்.

இதற்கு முன்பு 56 தமிழக மீனவர்கள் இலங்கை கடற்படையால் இப்படி சட்ட விரோதமாக பிடித்துச் செல்லப்பட்டு இலங்கையில் உள்ள ஜெயில்களில் சிறை வைக்கப்பட்டுள்ளனர். அந்த ஏழை மீனவர்களின் 35 மீன்பிடி படகுகள் இன்னமும் இலங்கையின் கட்டுப்பாட்டில் உள்ளது.

தமிழக மீனவர்களை துன்புறுத்தி, சித்ரவதை செய்து, அவர்களது ஏழ்மையான வாழ்வாதாரத்தையே சீர்குலைத்து வரும் இலங்கையின் இந்த நடவடிக்கை மிக, மிக கண்டனத்துக்குரியது. இலங்கை கடற்படையின் இந்த அத்துமீறலை இனியும் இந்திய அரசு தொடர்ந்து மவுனமாக பார்த்துக் கொண்டிருக்க கூடாது.

தாங்கள் உடனடியாக இந்த பிரச்சினையில் தனிப்பட்ட முறையில் தலையிட வேண்டும் என்று வலியுறுத்திக் கேட்டுக் கொள்கிறேன். இதுபற்றி உயர்மட்ட தூதரக அளவில் கொண்டு சென்று இலங்கை சிறைகளில் உள்ள 86 தமிழக மீனவர்களையும் உடனே மீட்க வேண்டும்.

மேலும் இலங்கையின் பிடியில் உள்ள தமிழக மீனவர்களின் 42 மீன்பிடி படகுகளையும் விரைந்து மீட்க வேண்டும். நீங்கள் இதில் தனிப்பட்ட முறையில் தலையிட வேண்டும் என்று மீண்டும் ஒரு தடவை கேட்டுக் கொள்கிறேன்.

இவ்வாறு அந்த கடிதத்தில் முதல்–அமைச்சர் ஜெயலலிதா கூறியுள்ளார்.

Novak Djokovic beats Spain's David Ferrer in Paris Masters final

Paris:  Serbia's Novak Djokovic defeated defending champion David Ferrer of Spain 7-5, 7-5 Sunday in the Paris Masters final.

The victory allowed Djokovic, who won the title in Paris in 2009, to keep alive his hopes of edging Spanish star Rafael Nadal for the No. 1 spot in the rankings, with the two players gearing up to end the competition at the season-ending tournament in London.

Ferrer played tough in both sets, but he was unable to pull off the win.

The Spaniard served for both sets but was unable to keep Djokovic from snatching them from him.

Ferrer, who won his first Masters 1000 title in Paris, was trying to become the first player to win consecutive titles since the tournament was created in 1986.

Ferrer, the world No. 4, advanced to the final by upsetting Nadal 6-3, 7-5 Saturday.

All eight Paris Masters quarter finalists will be back in action at the eight-man, season-ending Barclays ATP World Tour Finals, which gets underway in London Monday.

Patna blasts accused Imtiyaz remanded in police custody

      Patna, Oct 29 (PTI) Terror suspect Imtiyaz Ansari, arrested while running away from the Patna railway station after a blast in a toilet shortly before Narendra Modi's rally in the city on Sunday, has been remanded in police custody.

    Imtiyaz Ansari, arrested while running away from the Patna railway station after the blast in a toilet on the day of BJP Prime Ministerial candidate

    Narendra Modi's mega rally here on October 27, has been remanded in police custody.

    Ansari, who was produced before Railway Magistrate Arvind Kumar Singh late last night was remanded in seven days police custody.

    Another man Taufim who was seriously injured in the blast in the toilet is in police custody and is being treated at the IGIMS Hospital.

    The two have been charged under sections 18/19/20 of the IPC and relevant provisions of the Railway Act.

    Besides Ansari and Taufim, two others have been detained by the police.

    Six persons were killed and 82 others injured in seven low intensity blasts in and around the venue of Modi's rally at historic Gandhi Maidan in Patna on Sunday shortly before he addressed the huge gathering.

Kolkata: Girl locked in school bathroom dies, angry protesters ransack school

Kolkata: The death of an 11-year-old girl allegedly due to trauma after being locked in the school bathroom by her seniors have sparked angry protests against a Kolkata school.

Protesters on Thursday ransacked the Christ Church school in north Kolkata, breaking computers and furniture while demanding action against school authorities.

This comes after Oindrila Das, a student of class 6 in the school, died on Wednesday, eight days after her seniors locked her in the bathroom for not giving them Rs. 100. They were allegedly helped by the school caretaker. They let Oindrilla out only when school got over.

She fell ill and complained to her parents, after which she was admitted to a nursing home. Oindrila's family says the doctors found nothing physically wrong and released her from the nursing home on Monday.

She had gone into a depression following the ragging incident, her family alleges. Her parents also suspect wrong treatment by a doctor who gave her an injection on Tuesday. When she was taken to hospital, she was declared brought dead.

"She was traumatised in school. That why she fell ill. There is also medical negligence. The doctors didn't treat her properly," her mother Rekha Das alleged. 

Oindrila's parents have filed a police complaint against the school.

"We will take action against the girls who locked her up," said Sharmila Sarkar, the Principal of Christ Church School.

Caught on camera: deadly hit-and-run near Mumbai

Navi Mumbai: On security cameras on a road in Navi Mumbai in Thane, 25 kms from Mumbai, a speeding Honda City collides with a van at 11 pm.

The car is going so fast that the van, when hit, spins several times and at least four people are thrown out onto the road. One died and three were injured.

The Navi Mumbai Police has released footage of the hit-and-run nearly a month after it took place on August 6.

The driver of the car, a beauty salon owner named Seema Thakkar, was arrested a day later but was released on bail the same day.

A report to find out whether she was drunk at the time of the accident is still not out.

Missing coal files: SC sets deadline for CBI

New Delhi: Expressing its displeasure over the slow probe, the Supreme Court on Thursday gave five days to Central Bureau of Investigation (CBI) to submit a statement on missing coal files.

The Centre in its response assured the apex court that it will give all files in two weeks after the CBI gives a statement on the issue.

The court went a step ahead and said that a FIR should be filed and a probe be conducted by the CBI if the government fails to trace the missing miles.

Syria accuses West of 'inventing' excuses to intervene

Damascus, Aug 28 (AFP) Prime Minister Wael al-Halqi today accused Western countries of "inventing" excuses to take military action against Syria over its alleged chemical weapons attacks.

    "Western countries, starting with the United States, are inventing fake scenarios and fictitious alibis to intervene militarily in Syria," he said, quoted by state television.

    Halqi said his country would be come a "graveyard of the invaders" if there were a military intervention. "Syria... will surprise the aggressors as it surprised them during" the 1973 Yom Kippur War, in which Arab forces carried out a sneak attack on Israel, "and will be the graveyard of the invaders," he was quoted by state television as saying.

தொடை சதையைக் குறைய சில எளிய பயிற்சிகள்

உடலைக் கட்டுக்கோப்பாக வைத்திருக்க ஏராளமான உடற்பயிற்சி முறைகள் உள்ளன. ஒவ்வொரு மனித உடலும் தனித்தன்மையானவை. எனவே உடலுக்கு ஏற்ற சரியான உடற்பயிற்சியை, தகுந்த ஆலோசனையின் பேரில், சரியான முறையில் சரியான அளவில் செய்வது நல்லது.

உடலுக்கு ஒவ்வாத உடற்பயிற்சிகள் சில நேரங்களில் கடுமையான பக்க விளைவுகளை ஏற்படுத்திவிடும். தொடைப்பகுதியில் சேர்ந்திருக்கும் சற்று அதிகப்படியான சதையைக் குறைப்பதற்கான சில உடற்பயிற்சி முறைகள் கீழே கொடுக்கப்பட்டுள்ளன.

குறிப்பாக இந்த பயிற்சிகள் அனைத்தும் அதிகப்படியான தொடை சதையைக் குறைப்பதற்கே, பொதுவாகவே சற்று பருமனான உடல்வாகு கொண்டவர்களுக்கு இந்த பயிற்சிகள் பயன் தராது. இப்போது பயிற்சிக்குப் போகலாம்.

* பாதங்கள் இரண்டிற்கும் 30 செ.மீ இடைவெளி இருக்குமாறு கால்களை வைத்துக் கொண்டு நேராக நிமிர்ந்து நின்று கொள்ளவும். கைகளை இடுப்பில் வைத்துக் கொள்ளவும். கட்டை விரல் இரண்டும் முன்னோக்கி இருக்கட்டும். அதாவது, கட்டைவிரல் முதுகைப் பார்த்தவண்ணம் இல்லாமல், வயிற்றின் மீது இருக்கட்டும்.

* இப்பொழுது இடுப்பை இடமிருந்து வலமாக சுற்றவும். சுமார் 30 வினாடிகள் இதுபோல் இடுப்பை சுற்றவும். பின்னர் அடுத்த 60 வினாடிகள் அதே போல் எதிர் திசையில், அதாவது வலமிருந்து இடமாக சுற்றவும்.

* இதுபோல் மாறி மாறி ஆறுமுறை செய்யவும். இந்தப் பயிற்சி செய்யும்போது பாதம் முழுவதும் தரையில் அழுத்தமாக ஊன்றி இருக்குமாறு பார்த்துக் கொள்ளவும்.

* இப்பொழுது அதே நிலையில் நின்றவாறு, வலது பக்க இடுப்பை எவ்வளவு தூரம் முடியுமோ, அவ்வளவு தூரம் முன்னோக்கித் தள்ளவும். அதே நிலையில் இருந்தவாறு, இடுப்பை இடமிருந்து வலமாக 30 வினாடிகளும், பின்னர் வலமிருந்து இடமாக 30 வினாடிகளும் சுழற்றவும். சுற்றி முடித்தவுடன், மறுபடியும் நேராக நின்று கொள்ளவும்.

* இப்பொழுது இடது பக்க இடுப்பை அதே போல் முன்னோக்கித் தள்ள வேண்டும். பின்னர் வலமிருந்து இடமாக 30 வினாடிகளும், இடமிருந்து வலமாக 30 வினாடிகளும் மாறி மாறி சுழற்றவும். முடித்தவுடன் மறுபடியும் நேரான நிலைக்கு வந்துவிடவும்.

* கால்களை நகர்த்தாமல், இப்பொழுது இடுப்பை மட்டும் வலதுபுறமாக சுமார் 15 செ.மீ முதல் 20 செ.மீ வரை தள்ளவும். இதே நிலையில் இருந்தவாறு, உடம்பை இடமிருந்து வலமாக 30 வினாடிகள் வரை சுற்றவும். பின்னர் வலமிருந்து இடமாக 30 வினாடிகள் சுற்றவும். முடித்த பின்னர் இடுப்பை பழையபடி நேரான நிலைக்கு கொண்டு வந்துவிடவும்.

* மறுபடியும் இடுப்பை அதே போல் இடதுபுறமாக 15 செ.மீ முதல் 20 செ.மீ வரை தள்ளவும். இதே நிலையில் உடம்பை இடமிருந்து வலமாக 30 வினாடிகளும், பின்னர் வலமிருந்து இடமாக 30 வினாடிகளும் சுற்றவும். முடித்த பின்னர் இடுப்பை பழையபடி நேரான நிலைக்கு கொண்டு வந்துவிடவும்.

இந்தப் பயிற்சியை நடுவில் இடைவெளி எதுவும் இல்லாமல் செய்தால் நல்ல பலன் கிடைக்கும். எவ்வளவு தூரம் இடுப்பை சுற்ற முடிகிறதோ அவ்வளவு சுற்றினால் போதும். அதிக தூரம் சுற்ற முடியவில்லையே என்ற கவலை வேண்டாம். பயிற்சியைத் தொடர்ந்து செய்ய செய்ய நாளடைவில் சுற்றும் தூரம் அதிகரிக்கும்.

Pakistan Parliament adopts resolution, blames India for tensions along LoC

Islamabad: Amid a spurt in tensions over incidents along the Line of Control, the National Assembly of Pakistan on Tuesday adopted an anti-India resolution condemning aggression by Indian forces.

According to reports, Pakistan has now put the blame on India for the cross border firings on LoC.

This comes a few hours latter Pakistan Prime Minister Nawaz Sharif called for a 'new beginning' in ties with India so that all outstanding issues can be settled in a friendly manner.

"Let us make a new beginning. Let us sit together to resolve all outstanding issues in a friendly manner and in a peaceful atmosphere," Sharif had said in a message.

Clashes along the Line of Control in Jammu and Kashmir since last month have increased tensions between the two countries.

Recently, five Indian soldiers in the disputed Himalayan region of Kashmir were killed in an attack along the LoC.

About 20 heavily armed terrorists along with soldiers from the Pakistani Army crossed the cease-fire line and killed the Indian soldiers.

However, Pakistan has denied that its soldiers have not killed any Indian troops.

While blaming India for aggression along the border, a Pakistani military official even said Indian troops fired without any provocation

Saina, Sindhu begin campaign with wins in Badminton Worlds

Guangzhou: Saina Nehwal on Wednesday started her campaign for an elusive medal at the World Championships with a crushing straight-game victory over lower-ranked Olga Golovanova of Russia in the women's singles competition of the prestigious event here.

London Olympics bronze medallist Saina, who had reached the quarter-finals of previous editions in 2009 and 2011, brushed aside Olga 21-5 21-4 in just 23 minutes to set up a clash with 15th seed Thai Porntip Buranaprasertsuk in the pre-quarterfinals on Thursday.

Saina has a 5-0 record against Porntip but the Indian will have to be on guard as past records do not count and such matches could turn out to be tricky sometimes.

Earlier in the day, PV Sindhu overcame a fighting Kaori Imabeppu of Japan to secure her place in the third round of the women's singles competition. Both Saina and Sindhu had got a bye in the first round.

Seeded 10th, Sindhu, who won the Malaysia Grand Prix in May this year, had to sweat it out for an hour and 11 minutes before she could prevail over unseeded Imabeppu 21-19 19-21 21-17.

World number 12 Sindhu, who made her debut at the World Championships on Wednesday, will next take on the winner of the match between second seed Wang Yihan of China and Indonesian Belaetrix Manuputi in the next round.

However, it was a heartbreak for Ajay Jayaram as he suffered a straight-game loss to Pablo Abian in a 31-minute contest in the men's singles.

World number 24 Ajay, who had stunned world number 12 in the opening match yesterday, lost 9-21 17-21 against the Spaniard, who is ranked 88th.

There were more heartbreaks for India as men's doubles pair of Tarun Kona and Arun Vishnu crashed out of the tournament after suffering a 15-21 21-13 17-21 defeat against 15th seeded Indonesian pair of Alvent Yulianto Chandra and Markis Kido.

In the women's singles match, Saina was not tested in any way by Olga as she failed to put any pressure on the Indian.

Although, the girl from Hyderabad faltered a bit with her net strokes initially, she recovered quickly.

Olga committed a series of unforced errors and even though she tried to engage Saina in rallies, the Russian never had the strokes to finish off the points.

Escaped python kills two children in Canada

 

MONTREAL, Quebec: An escaped python killed two children in their sleep in eastern Canada, police said on Monday.

The two young boys, aged five and seven, were sleeping at a friend's apartment late Sunday in the small town of Campbellton when they were surprised by the snake.

It had escaped from a pet store that specialized in exotic animals located on the floor below the apartment.

"The preliminary investigation has led police to believe that a large exotic snake had escaped its enclosure at the store sometime overnight, and got into the ventilation system, then into the upstairs apartment," police said in a statement.

"It's believed the two boys were strangled by the snake."

A New Brunswick police spokesman declined to give further details on the size of the snake or whether signs of strangulation were apparent on the boys.

Authorities late Monday said they were still waiting for the results of the autopsies — to be carried out on Tuesday — to determine the cause of death.

But reptile experts expressed skepticism over the incident, saying it would be extremely rare for a constrictor to attack two young boys.

"It's difficult to believe," said David Rogrigue, director of Montreal's Ecomuseum Zoo.

This type of accident would be "an isolated case and very, very extraordinary, and very improbable," he said.

These snakes typically bite to defend themselves and use strangulation solely for their prey.

"Strangling is really linked to the feeding of the animal," he said, explaining the behavior "is stimulated by hunger and by the odor of the prey."

The python had been recaptured and was being held by police, authorities said.

The incident sparked strong reactions in Campbellton, a town of just over 7,000 people on Chaleur Bay in northern New Brunswick.

Deputy mayor Ian Comeau expressed sorrow over the accident and noted that there had been opposition to the presence of the exotic pet store in the town. He pledged the city ordinance that allowed it would immediately come under review